મહારાષ્ટ્રમાં વરસાદી તાંડવ: મુંબઈથી પાલઘર સુધી રેડ એલર્ટ, ફ્લાઈટ્સ રદ, રેલવે ટ્રેક જળમગ્ન

મહારાષ્ટ્રમાં સતત વરસી રહેલા મુશળધાર વરસાદે જનજીવનને ભારે અસર પહોંચાડી છે. મુંબઈ, પાલઘર, રાયગઢ, પુણે અને નાસિક સહિત અનેક જિલ્લાઓમાં ભારે વરસાદને કારણે પાણી ભરાવા, ટ્રાફિક અને રેલવે સેવાઓ ખોરવાવા તેમજ હવાઈ પરિવહન પર ગંભીર અસર જોવા મળી રહી છે. હવામાન વિભાગે રાજ્યના પાંચ જિલ્લાઓ માટે રેડ એલર્ટ જાહેર કરીને લોકોને સાવચેત રહેવાની અપીલ કરી છે.

ગોરાઈ-મનોરી કિનારે વિદેશી જહાજ ફસાયું
મુંબઈના બોરીવલી પશ્ચિમ સ્થિત ગોરાઈ-મનોરી બીચ નજીક સમુદ્રમાં એક મોટું વિદેશી જહાજ ફસાઈ જતાં સુરક્ષા એજન્સીઓ સતર્ક બની ગઈ છે. ઘટનાની જાણ થતાં જ ગોરાઈ પોલીસ, ભારતીય કોસ્ટ ગાર્ડ અને ભારતીય નૌસેનાની ટીમો સ્થળ પર પહોંચી હતી. જહાજ અહીં કેવી રીતે પહોંચ્યું અને તેની પાછળ કોઈ શંકાસ્પદ કારણ છે કે નહીં તે અંગે તપાસ શરૂ કરવામાં આવી છે.

પાંચ જિલ્લાઓમાં રેડ એલર્ટ
ભારતીય હવામાન વિભાગ (IMD) અનુસાર મુંબઈ, પાલઘર, રાયગઢ, પુણે અને નાસિકમાં અતિભારે વરસાદની સંભાવના છે. આગામી દિવસોમાં 80થી 90 કિમી પ્રતિ કલાકની ઝડપે પવન ફૂંકાઈ શકે છે, જ્યારે દરિયામાં 4થી 5 મીટર ઊંચા મોજાં અને હાઈ ટાઈડની સ્થિતિ સર્જાઈ શકે છે. પ્રશાસને લોકોને દરિયાકાંઠે ન જવાની અને જરૂરી હોય ત્યારે જ બહાર નીકળવાની સલાહ આપી છે. હવામાન વિભાગના વૈજ્ઞાનિકોના જણાવ્યા અનુસાર ગુજરાત, સૌરાષ્ટ્ર, મહારાષ્ટ્રના દરિયાકાંઠા, કર્ણાટક અને કેરળમાં પણ અત્યંત ભારે વરસાદની શક્યતા છે. કેટલાક વિસ્તારોમાં 21 સેન્ટીમીટરથી વધુ વરસાદ નોંધાઈ શકે છે.

પાલઘર અને વસઈ-વિરારમાં પાણી ભરાયા
પાલઘરના સફાલે વિસ્તારમાં ભારે વરસાદને કારણે રેલવે ટ્રેક પર પાણી ફરી વળતાં સ્ટેશન જળમગ્ન બની ગયું હતું. બોઈસર-પાલઘર માર્ગ બંધ થતાં અનેક ગામોનો સંપર્ક તૂટી ગયો છે. વસઈ-વિરારના મધુબન સ્માર્ટ સિટી વિસ્તારમાં 2થી 4 ફૂટ સુધી પાણી ભરાઈ જતાં અનેક વાહનો પાણીમાં ડૂબી ગયા અને રહેવાસીઓ ઘરોમાં જ રહેવા મજબૂર બન્યા. જલસાર ગામની ખાડીમાં ફસાયેલા ત્રણ માછીમારોને સ્થાનિક લોકોએ સુરક્ષિત રીતે બચાવી લીધા હતા.

લોનાવાલા અને પુણેમાં પૂર જેવી સ્થિતિ
મધ્ય મહારાષ્ટ્રના ઘાટ વિસ્તારોમાં પણ ભારે વરસાદ નોંધાયો છે. મહાબળેશ્વરમાં કેટલાક વિસ્તારોમાં 40થી 50 સેન્ટીમીટર વરસાદ પડ્યો હોવાનું જાણવા મળ્યું છે. લોનાવાલામાં ઇન્દ્રાયણી નદીનું જળસ્તર વધતાં નીચાણવાળા વિસ્તારોમાં પાણી ઘૂસી ગયા હતા. કાર્લા ગામમાંથી અનેક લોકોને સુરક્ષિત સ્થળે ખસેડવામાં આવ્યા છે, જ્યારે કાર્લાથી લોહગઢ કિલ્લા જતો માર્ગ પણ પાણીમાં ગરકાવ થયો છે.

મુંબઈ એરપોર્ટ પર ફ્લાઈટ્સ પ્રભાવિત
ભારે વરસાદના કારણે મુંબઈના છત્રપતિ શિવાજી મહારાજ આંતરરાષ્ટ્રીય એરપોર્ટ પર હવાઈ સેવાઓ ખોરવાઈ છે. ખરાબ હવામાનને કારણે 17 ડોમેસ્ટિક અને આંતરરાષ્ટ્રીય ફ્લાઈટ્સ રદ કરવામાં આવી છે, જ્યારે 365થી વધુ ફ્લાઈટ્સ વિલંબિત થઈ છે. વિવિધ એરલાઈન્સે મુસાફરોને એરપોર્ટ જતાં પહેલાં પોતાની ફ્લાઈટનું સ્ટેટસ ચકાસવાની સલાહ આપી છે. કેટલીક ફ્લાઈટ્સને અન્ય એરપોર્ટ પર ડાયવર્ટ પણ કરવામાં આવી છે.

રેલવે સેવાઓ પર અસર
મુંબઈની હાર્બર લાઇન પર પનવેલ તરફ જતા ટ્રેક પર ઝાડની ડાળીઓ પડી જતાં થોડા સમય માટે ટ્રેન વ્યવહાર ખોરવાયો હતો. જોકે રેલવે તંત્રે લગભગ 25 મિનિટમાં ટ્રેક સાફ કરીને સેવાઓ ફરી શરૂ કરી દીધી હતી.

અન્ય રાજ્યોમાં પણ ભારે વરસાદની આગાહી
દક્ષિણ ઝારખંડ પર સર્જાયેલા ડિપ્રેશનના કારણે છત્તીસગઢ, પૂર્વ મધ્ય પ્રદેશ અને દક્ષિણ-પૂર્વ ઉત્તર પ્રદેશના અનેક વિસ્તારોમાં પણ ભારે વરસાદની આગાહી કરવામાં આવી છે. પ્રશાસને લોકોને બિનજરૂરી પ્રવાસ ટાળવા અને હવામાન વિભાગની સૂચનાઓનું પાલન કરવાની અપીલ કરી છે.

 

 

 

  • Related Posts

    સુરેન્દ્રનગર Police પરિવારમાં નવા વર્ષની અનોખી ઉજવણી: SP પ્રેમસુખ ડેલુના નિવાસસ્થાને યોજાયું સ્નેહમિલન, પોલીસ પરિવાર એકસાથે મળ્યો

    B india સુરેન્દ્રનગર : નવા વર્ષના પાવન અવસર નિમિત્તે સુરેન્દ્રનગર Police પરિવારમાં સ્નેહ, સૌહાર્દ અને આત્મીયતાનો માહોલ જોવા મળ્યો હતો. સુરેન્દ્રનગરના Police અધિક્ષક (SP) શ્રી પ્રેમસુખ ડેલુના નિવાસસ્થાને પોલીસ પરિવારના સ્નેહમિલન કાર્યક્રમનું આયોજન કરવામાં આવ્યું હતું. આ કાર્યક્રમમાં Police પરિવારના સભ્યો એકત્રિત થયા હતા અને એકબીજાને નવા વર્ષની હાર્દિક શુભકામનાઓ પાઠવી હતી. ફરજની સતત વ્યસ્તતા વચ્ચે Police પરિવારના સભ્યોને એકબીજા સાથે સમય વિતાવવાની અને આનંદની પળો માણવાની સુંદર તક મળી હતી. SP પ્રેમસુખ ડેલુના નિવાસસ્થાને યોજાયું સ્નેહમિલન નવા વર્ષની શરૂઆત હંમેશાં નવી આશાઓ, નવા સંકલ્પો અને ખુશીઓ સાથે કરવામાં આવે છે. ત્યારે સુરેન્દ્રનગર પોલીસ પરિવાર દ્વારા પણ નવા વર્ષના અવસરને યાદગાર બનાવવા માટે સ્નેહમિલન કાર્યક્રમનું આયોજન કરવામાં આવ્યું હતું. આ કાર્યક્રમનું આયોજન સુરેન્દ્રનગરના પોલીસ અધિક્ષક શ્રી…

    નોટબંધીનાં 10 વર્ષઃ Cashless ભારતનું સપનું અને રોકડની હકીકત!

    -> ડિજિટલ પેમેન્ટમાં ઐતિહાસિક ઉછાળો, UPIએ બદલી નાખી નાણાંની લેવડદેવડની રીત; છતાં દેશમાં રોકડનું ચલણ ઘટવાને બદલે અનેકગણું વધ્યું : 8 નવેમ્બર, 2016ની રાતે વડાપ્રધાન નરેન્દ્ર મોદીએ રૂ. 500 અને રૂ. 1,000ની જૂની ચલણી નોટો બંધ કરવાની જાહેરાત કરી ત્યારે સમગ્ર દેશમાં જાણે આર્થિક ભૂકંપ આવ્યો હતો. કાળાં નાણાં પર પ્રહાર, નકલી ચલણનો અંત, આતંકવાદી ફંડિંગ પર રોક અને ડિજિટલ અર્થતંત્રને પ્રોત્સાહન જેવા મોટા હેતુઓ સાથે નોટબંધીનો નિર્ણય લેવાયો હતો. બેંકોની બહાર લાંબી કતારો, રોકડની અછત અને સામાન્ય નાગરિકોની મુશ્કેલીઓ વચ્ચે શરૂ થયેલી આ ઐતિહાસિક કવાયતને આજે દસ વર્ષ પૂર્ણ થવા જઈ રહ્યાં છે. આટલા વર્ષોમાં ભારતે UPI અને ડિજિટલ પેમેન્ટ ક્ષેત્રે વિશ્વનું ધ્યાન ખેંચ્યું છે, Cashless પરંતુ બીજી તરફ રોકડના ચલણમાં પણ મોટો વધારો થયો…