Bindia
દિલ્હીની રેખા ગુપ્તા સરકારની કેબિનેટ બેઠક સવારે ૧૧ વાગ્યે આજે સવારે યોજાશે. આ બેઠકમાં મહિલા સમૃદ્ધિ યોજના અને હોળી અને દિવાળી પર મફત સિલિન્ડર જેવી યોજનાઓને મંજૂરી મળી શકે છે. સરકાર તેના પહેલા બજેટ સત્રમાં આ માટે ભંડોળ ફાળવી શકે છે. જોકે, આજે 8 માર્ચ વુમન્સ ડે છે ત્યારે દિલ્હીમાં મહિલાઓના ખાતામાં 2500 રૂપિયા જમા થશે નહીં.. તેને લઇને વિપક્ષના નેતા આતિશીએ રેખા ગુપ્તા સરકાર પર
આ પણ વાંચો :- Gandhinagar : આવતીકાલે કેન્દ્રીય ગૃહમંત્રી અમિત શાહ આવશે ગુજરાત પ્રવાસે, વિવિધ કાર્યક્રમો આપશે હાજરી
-> કટાક્ષ કર્યો છે :- આમ આદમી પાર્ટીના ધારાસભ્ય અને ભૂતપૂર્વ સીએમ આતિશીએ મહિલા યોજનાને લઈને ભાજપની રેખા ગુપ્તા સરકારને ઘેરી લીધી. આંતરરાષ્ટ્રીય મહિલા દિવસની શુભેચ્છા પાઠવતા તેમણે કહ્યું, “આજે દિલ્હીની બધી મહિલાઓ તેમના ફોન તરફ જોઈ રહી છે, બેંકમાં 2500 રૂપિયા જમા થયા હોવાનો મેસેજ આવવાની રાહ જોઇ રહી છે. જો કે રેખા ગુપ્તા સરકાર આજે જવાહરલાલ નહેરુ સ્ટેડિયમ ખાતે મહિલા દિવસના કાર્યક્રમમાં આ યોજનાઓ વિશે જાહેરાત કરી શકે છે. મહિલા સમૃદ્ધિ યોજનાનો લાભ સૌ પ્રથમ તે મહિલાઓને મળશે જેમની પાસે આવકનો કોઈ સ્ત્રોત નથી.
મહિલાઓને સલામ :- અગાઉ, દિલ્હીના મુખ્યમંત્રી રેખા ગુપ્તાએ આંતરરાષ્ટ્રીય મહિલા દિવસની શુભેચ્છા પાઠવી હતી. તેમણે પોતાના X હેન્ડલ પર લખ્યું, “નારી શક્તિના સાહસ, દૃઢ નિશ્ચય અને યોગદાનને સલામ! આંતરરાષ્ટ્રીય મહિલા દિવસ આપણને મહિલા સશક્તિકરણ અને સમાન તકો માટેના આપણા સંકલ્પને પુનરાવર્તિત કરવાની તક આપે છે.”
આ પણ વાંચો :- PM મોદીએ મહિલા દિવસની પાઠવી શુભેચ્છા, કહ્યું ‘મહિલા શક્તિને સલામ’
તેમણે આગળ લખ્યું, પ્રધાનમંત્રી નરેન્દ્ર મોદીના નેતૃત્વમાં ‘નારી શક્તિ વંદન અધિનિયમ’ જેવા ઐતિહાસિક પગલાં લેવામાં આવ્યા છે. દિલ્હીમાં પણ, અમે બધી મહિલાઓને સુરક્ષા, શિક્ષણ અને આત્મનિર્ભરતા માટે વધુ તકો પૂરી પાડવા માટે પ્રતિબદ્ધ છીએ. સશક્ત મહિલાઓ, સમૃદ્ધ સમાજ.”
Follow us On Social Media
🔔 YouTube : https://www.youtube.com/@BIndiaDigital
📸 Instagram : https://www.instagram.com/bindiadigital/
🌐 Website : https://bindia.co/
TWITTER : https://x.com/buletin_india
FOLLOW ON WHATSAPP : https://whatsapp.com/channel/0029Va4rXSZ5q08d1AuVRO2I
