મદ્રાસ હાઇકોર્ટે કૃણાલ કામરાના વચગાળાના જામીન મંજુર કર્યા, ધરપકડમાંથી મળી રાહત

મદ્રાસ હાઈકોર્ટે સ્ટેન્ડ-અપ કોમેડિયન કુણાલ કામરાના 7 એપ્રિલ સુધી વચગાળાના આગોતરા જામીન મંજૂર કર્યા છે. આ કેસ મહારાષ્ટ્રના નાયબ મુખ્યમંત્રી એકનાથ શિંદે વિરુદ્ધ કથિત અપમાનજનક ટિપ્પણી સાથે સંબંધિત છે. કોર્ટે પોતાના આદેશમાં કહ્યું છે કે અરજદારે પોતાની અરજીમાં કહ્યું છે કે તે મહારાષ્ટ્રની કોર્ટનો સંપર્ક કરી શકતો નથી… કારણ કે તેના જીવને જોખમ છે.

આ પણ વાંચો :- મ્યાનમારથી લઇ મણિપુર સુધી ધ્રુજી ધરતી, સૌથી વધુ નુકસાન બેંગકોકમાં , પત્તાના મહેલની જેમ તૂટી પડી બિલ્ડીંગો

મુંબઈની ખાર પોલીસે ૩૧ માર્ચે કુણાલ કામરાને સમન્સ મોકલ્યું હતું અને પૂછપરછ માટે હાજર રહેવા જણાવ્યું હતું. મુંબઈ પોલીસે આ કેસમાં કુણાલ કામરાને બે વાર સમન્સ પાઠવ્યું છે. મદ્રાસ હાઈકોર્ટે વચગાળાના જામીન આપતાં કહ્યું કે કુણાલ કામરાને કાયમી કાનૂની કાર્યવાહી ન કરે ત્યાં સુધી ધરપકડમાંથી રાહત આપવામાં આવશે.

શિવસેનાના ધારાસભ્ય મુરજી પટેલની ફરિયાદ પર ખાર પોલીસે કામરા વિરુદ્ધ કેસ નોંધ્યો છે :- આ સમગ્ર મુદ્દો કુણાલ કામરાના ખારમાં હેબિટેટ કોમેડી ક્લબ ખાતેના તાજેતરના શોમાંથી ઉદ્ભવ્યો છે. કૃણાલ કામરાએ મહારાષ્ટ્રના નાયબ મુખ્યમંત્રી અને શિવસેનાના વડા એકનાથ શિંદેને નિશાન બનાવતું એક પેરોડી ગીત ગાયુ હતું. આ પછી, ગુસ્સે ભરાયેલા શિવસેના સમર્થકોએ તે જગ્યાએ તોડફોડ કરી જ્યાં શો યોજાયો હતો.

આ પણ વાંચો :- દેશ માટે લડનારાઓ પ્રત્યે આદર, પરંતુ તોડફોડ કે મિલકતોનો નાશ ક્યારેય સ્વીકારીશું નહીંઃ ખડગે

મદ્રાસ હાઈકોર્ટમાં દાખલ કરેલી અરજીમાં કુણાલ કામરાએ કહ્યું કે તે તમિલનાડુના વિલ્લુપુરમ જિલ્લાનો રહેવાસી છે અને તેને ડર છે કે મુંબઈ પોલીસ તેની ધરપકડ કરી શકે છે. મુંબઈ પોલીસે કામરાને બે સમન્સ મોકલ્યા છે, પરંતુ તે હજુ સુધી પોતાનું નિવેદન આપવા માટે હાજર થયો નથી.શિવસેનાના ધારાસભ્ય મંગેશ કુડાલકરે સોમવારે (24 માર્ચ, 2025) કુર્લા નહેરુનગર પોલીસ સ્ટેશનમાં કામરા વિરુદ્ધ ફરિયાદ નોંધાવી હતી.

Follow us On Social Media

🔔 YouTube : https://www.youtube.com/@BIndiaDigital
📸 Instagram : https://www.instagram.com/bindiadigital/
🌐 Website : https://bindia.co/
TWITTER : https://x.com/buletin_india
FOLLOW ON WHATSAPP : https://whatsapp.com/channel/0029Va4rXSZ5q08d1AuVRO2I