દ્વારાકામાં મેગા ડિમોલિશિનને લઈને લોકોમાં રોષ, ગૃહ રાજ્યમંત્રી હર્ષ સંઘવીને અપાઈ ધમકી

B india અમદાવાદ :- ગુજરાતના ગૃહ રાજ્યમંત્રી હર્ષ સંઘવીને ધમકી મળી છે. સોશિયલ મીડિયામાં ગેસ્ટ ફ્રોમ માર્સ એકાઉન્ટ પરથી ત્રણથી ચાર પોસ્ટ કરી હર્ષ સંઘવીને ધમકી અપાઈ. ગેસ્ટ ફ્રોમ માર્સ એકાઉન્ટમાં પોસ્ટ કરનાર શખ્સે હર્ષ સંઘવીને ધમકી આપવા સાથે આ પોસ્ટમાં પ્રવીણભાઈ, પીએમઓઇન્ડિયા, દ્વારકાટુડે, રાહુલગાંધીને પણ ટેગ કરાયા છે.એક પોસ્ટમાં બાલાપુરના લોકોની સમસ્યાને લઈને વાત કરવામાં આવી છે જ્યારે અન્ય એક પોસ્ટમાં બાળકો કેવી સમસ્યાનો સામનો કરી રહ્યા છે તે જાણવા હર્ષ સંઘવીને બાલાપુરની સરકારી શાળાની મુલાકાત લેવા જણાવ્યું છે.

ઉલ્લેખનિય છે કે, દ્વારકા જિલ્લામાં ગેરકાયદેસર જગ્યાઓ પર થયેલા દબાણને દૂર કરવામાં આવ્યા હતા. જ્યાં બેટ દ્વારકામાં ડિમોલિશન સામે મુસ્લિમ જમાતના ટ્રસ્ટ દ્વારા ગુજરાત હાઈકોર્ટમાં પણ અરજી કરવામાં આવી હતી.અરજદારનો આક્ષેપ છે કે, HCમાં અરજી પેન્ડિંગ છતા ડિમોલિશન કેમ કરવામાં આવ્યું તે સમજવામાં નથી આવતું ત્યારે અરજીમાં અરજન્ટ સુનાવણી કરવા અરજદારે રજૂઆત કરી છે. તો 20 જાન્યુઆરીના રોજ દ્વારકા ડિમોલિશન મુદ્દે વધુ સુનાવણી હાથ ધરવામાં આવશે.