Bindia
ઉત્તરાયણના દિવસે અમદાવાદ ઇન્ટરનેશનલ ફ્લાવર શોમાં મોટી સંખ્યામાં લોકોએ મુલાકાત લીધી હતી. ફ્લાવર શોમાં ઉત્તરાયણના દિવસે એક જ દિવસમાં એક લાખથી વધુ લોકોએ મુલાકાત લીધી છે. અત્યાર સુધી સૌથી વધુ મુલાકાતીઓનો ધસારો મંગળવારે જોવા મળ્યો હતો. જેના કારણે ઉત્તરાયણ પર્વ નિમિત્તે AMC તિજોરી છલકાઈ છે. કુલ 1,01,889 લોકોએ ફ્લાવર શોની મુલાકાત લેતાં AMCના તિજોરીમાં એક જ દિવસમાં 86 લાખ રૂપિયા આવ્યા છે.
ફ્લાવર શો ઉત્તરાયણના દિવસે ઐતિહાસિક ભીડ અમદાવાદ મ્યુનિસિપલ કોર્પોરેશન દ્વારા આયોજિત અમદાવાદ ઇન્ટરનેશનલ ફ્લાવર શો 2025માં ઉત્તરાયણના દિવસે ઐતિહાસિક ભીડ જોવા મળી હતી. જેમાં મુલાકાતીઓની સંખ્યા પહેલી વાર એક જ દિવસમાં 1લાખને વટાવી ગઈ હતી. કુલ 1,01,889 લોકોએ ફ્લાવર શોની મુલાકાત લીધી હતી. જે ટિકિટ ખરીદ્યા પછી એક દિવસમાં સૌથી વધુ મુલાકાતીઓનો આંકડો હતો. વધુમાં, 12 વર્ષથી ઓછી ઉંમરના 30,567 બાળકોએ પણ ફ્લાવર શોની મુલાકાત લીધી હતી.
-> એક જ દિવસમાં 86 લાખ રૂપિયા કમાયા :- ટિકિટના વેચાણથી કુલ ₹86,09,800ની કુલ આવક થઈ હતી. આમાંથી ₹48,16,690 રોકડમાં, ₹12,03,640 UPI વ્યવહારો દ્વારા અને ₹25,89,470 ઓનલાઈન બુકિંગ દ્વારા એકત્રિત કરવામાં આવ્યા હતા.
