Bindia
અમેરિકાથી ડિપોર્ટ કરાયેલા ગુજરાતીઓ એલર્ટ થઈ જાઉ, કારણ કે, ગુજરાત પોલીસ દ્વારા આ મામલે કડક કાર્યવાહી શરૂ કરી છે. ગેરકાયદેસર રીતે અમેરિકા ગયેલા લોકોનાં નિવેદન નોંધવાની તજવીજ હાથ ધરવામાં આવશે. તેમજ તેઓ પાસેથી એજન્ટોની માહિતી મેળવવાની તજવીજ હાથ ધરાશે.
-> અમેરિકાથી ડિપોર્ટ કરાયેલા ગુજરાતીઓનાં લેવાશે નિવેદન :- મહત્વનું છે કે, અમેરિકાથી ડિપોર્ટ થયેલા 33 ગુજરાતીઓ બે દિવસ પહેલા જ પોતાનાં વતન પરત આવ્યા છે. ત્યારે ગુજરાત પોલીસ દ્વારા હવે અમેરિકાથી ડિપોર્ટ કરાયેલા 33 ગુજરાતીઓને નિવેદન નોંધવા માટે બોલાવાશે. તેમજ તેઓનાં નિવેદન મારફતે પોલીસ એજન્ટોની માહિતી મેળવશે. તેમજ પોલીસ દ્વારા ગેરકાદયેસર રીતે તેઓને અમેરિકા મોકલનાર એજન્ટોની માહિતી એકત્રિત કરવામાં આવશે.
સૌ પ્રથમ અમદાવાદમાં એજન્ટો સામે જાણવા જોગ દાખલ થશે. તેમજ અમદાવાદમાં દાખલ થનાર જાણવા જોગનાં આધારે 33 લોકોના નિવેદન લેવાશે. તેમજ નિવેદનમાં નાના બાળકોને બાકાત રાખવામાં આવશે. તેમજ ક્રિમીનલ રોલ સામે આવશે તો તેમની સામે કાર્યવાહી પણ હાથ ધરાશે.
