Bindia
યુક્રેનના રાષ્ટ્રપતિ ઝેલેન્સકી અને ડોનાલ્ડ ટ્રમ્પ અમેરિકાના ફ્લોરિડામાં મળ્યા હતા. આ બેઠકમાં રશિયા-યુક્રેન યુદ્ધ શાંતિ વાટાઘાટો અંગે ચર્ચા થઈ હતી. બેઠક બાદ ટ્રમ્પે જણાવ્યું હતું કે યુક્રેન શાંતિ વાટાઘાટો 95% સફળ રહી છે. મુદ્દો રશિયા દ્વારા કબજે કરાયેલી જમીનનો છે. બંને દેશો હવે કરાર કરે તો સારું રહેશે.
ટ્રમ્પે સંયુક્ત પ્રેસ કોન્ફરન્સ દરમિયાન કંઈક એવું કહ્યું જેનાથી ઝેલેન્સ્કી હસવા લાગ્યા. મીડિયા સાથે વાત કરતા ટ્રમ્પે કહ્યું, “પુતિન (રશિયા) યુક્રેનને સફળ જોવા માંગે છે.” ટ્રમ્પનું નિવેદન સાંભળીને, નજીકમાં ઉભેલા યુક્રેનિયન રાષ્ટ્રપતિ ઝેલેન્સ્કી ખડખડાટ હસી પડ્યા. આ ક્ષણનો વીડિયો વાયરલ થયો હતો અને હવે તે સોશિયલ મીડિયા પર વાયરલ થઈ રહ્યો છે.
ઝેલેન્સકીનું નિવેદન પણ સામે આવ્યું
ફ્લોરિડામાં ટ્રમ્પ સાથેની મુલાકાત બાદ ઝેલેન્સકીએ એક નિવેદન પણ બહાર પાડ્યું. “સૌ પ્રથમ, હું રાષ્ટ્રપતિ ટ્રમ્પનો આભાર માનવા માંગુ છું. અમે તેમના નિવાસસ્થાને એક મહત્વપૂર્ણ બેઠક કરી હતી. આ બેઠક દરમિયાન, અમે બધા વિષયો પર ઊંડાણપૂર્વક ચર્ચા કરી અને તાજેતરના અઠવાડિયામાં અમેરિકન અને યુક્રેનિયન ટીમો દ્વારા કરવામાં આવેલી પ્રગતિની અમે પ્રશંસા કરીએ છીએ .
20-મુદ્દાની શાંતિ યોજના પર 90 ટકા સર્વસંમતિ થઈ
ઝેલેન્સકીએ વધુમાં કહ્યું, “અમે શાંતિ માળખાના તમામ પાસાઓ પર ચર્ચા કરી છે. 20-મુદ્દાની શાંતિ યોજના પર 90 ટકા સંમતિ છે. યુએસ-યુક્રેન સુરક્ષા ગેરંટી પર 100 ટકા સંમતિ છે અને યુએસ-યુરોપ-યુક્રેન સુરક્ષા ગેરંટી પર લગભગ સંમતિ છે. લશ્કરી પરિમાણ પર 100 ટકા સંમતિ છે.”
યુક્રેન શાંતિ માટે તૈયાર છે: ઝેલેન્સકી
ઝેલેન્સકીએ કહ્યું, “સમૃદ્ધિ યોજનાને અંતિમ સ્વરૂપ આપવામાં આવી રહ્યું છે. આ સાથે જ અમે આગળની કાર્યવાહી અંગે પણ ચર્ચા કરી. અમે સંમત થયા કે સુરક્ષા ગેરંટી કાયમી શાંતિ પ્રાપ્ત કરવામાં એક મહત્વપૂર્ણ સીમાચિહ્નરૂપ છે અને અમારી ટીમો તમામ પાસાઓ પર કામ કરવાનું ચાલુ રાખશે. યુક્રેન શાંતિ માટે તૈયાર છે. અમે જાન્યુઆરીમાં ફરી વાત કરીશું.”
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
