ઈરાન મુદ્દે ટ્રમ્પને પોતાની જ પાર્ટીમાંથી ટીકાઓ: “પહેલા ઈઝરાયેલને રોકો”

અમેરિકા અને Iran વચ્ચે વધતા તણાવ વચ્ચે અમેરિકન રાષ્ટ્ર પ્રમુખ ડોનાલ્ડ ટ્રમ્પના નિવેદનો પર હવે તેમની જ પાર્ટીમાંથી સવાલો ઉઠી રહ્યા છે. ટ્રમ્પે ઈરાન સાથે બે દિવસની “ફળદાયી” વાતચીત થઈ હોવાનો દાવો કર્યો હતો, પરંતુ ઈરાને આવી કોઈ ચર્ચા ન થઈ હોવાનો ઇનકાર કરી દીધો છે. આ વચ્ચે Joe Kentએ ટ્રમ્પની નીતિ પર ખુલ્લેઆમ ટીકા કરી છે. જો કેન્ટે સોશિયલ મીડિયા પર પોસ્ટ કરતા જણાવ્યું કે તણાવ ઘટાડવાનો પહેલો પગલું Israelને રોકવાનું હોવું જોઈએ. તેમના અનુસાર, જ્યારે પણ અમેરિકા શાંતિ માટે આગળ વધે છે ત્યારે ઈઝરાયેલના હુમલાઓ વાતચીતને ખોરવી નાખે છે.

ટ્રમ્પે એક ઈન્ટરવ્યૂમાં દાવો કર્યો હતો કે ઈરાન “સમજૂતી કરવા તૈયાર છે” અને આ માટે પાંચ દિવસની સમયમર્યાદા નક્કી કરવામાં આવી છે. સાથે જ તેમણે ઈરાનના ઉર્જા પ્લાન્ટ્સ પર હુમલાની યોજના તાત્કાલિક રીતે પાંચ દિવસ માટે મુલતવી રાખી છે. જોકે ઈરાની મીડિયાએ આ દાવાઓને નકારી કાઢતા કહ્યું કે અમેરિકા પીછેહઠ કરી રહ્યું છે.

નોંધનીય છે કે જો કેન્ટે 17 માર્ચે પોતાના પદ પરથી રાજીનામું આપ્યું હતું. રાજીનામા પત્રમાં તેમણે સ્પષ્ટ લખ્યું કે તેઓ ઈરાન વિરુદ્ધના યુદ્ધનું સમર્થન કરી શકતા નથી. તેમના મત મુજબ, ઈરાન તરફથી અમેરિકાને કોઈ તાત્કાલિક ખતરો નથી અને આ સંઘર્ષ Israel તથા તેની લોબીના દબાણ હેઠળ શરૂ થયો છે. કેન્ટે ટ્રમ્પના નિર્ણયની તુલના Iraq War સાથે કરી ચેતવણી આપી હતી કે આવા નિર્ણયોથી અમેરિકાને ભારે નુકસાન ભોગવવું પડી શકે છે.

 

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in