ધોરણ 10-12ની પૂરક પરીક્ષાનું ટાઈમટેબલ જાહેર, 11 જૂનથી શરૂ થશે પરીક્ષા

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા ધોરણ-10 અને ધોરણ-12ની પૂરક પરીક્ષાનું સત્તાવાર સમયપત્રક જાહેર કરવામાં આવ્યું છે. મુખ્ય પરીક્ષામાં અસફળ રહેલા તેમજ પાત્રતા ધરાવતા વિદ્યાર્થીઓ માટે આ પરીક્ષાનું આયોજન કરવામાં આવ્યું છે.

11થી 18 જૂન દરમિયાન યોજાશે પરીક્ષા
બોર્ડ દ્વારા જાહેર કરાયેલા કાર્યક્રમ મુજબ પૂરક પરીક્ષા 11 જૂનથી 18 જૂન 2026 દરમિયાન લેવામાં આવશે. આ પરીક્ષામાં નીચેના પ્રવાહોના વિદ્યાર્થીઓનો સમાવેશ કરવામાં આવ્યો છે:

– ધોરણ-10 (SSC)
– ધોરણ-12 વિજ્ઞાન પ્રવાહ
– ધોરણ-12 સામાન્ય પ્રવાહ
– ઉચ્ચતર ઉત્તર બુનિયાદી પ્રવાહ
– વ્યવસાયલક્ષી પ્રવાહ
– સંસ્કૃત પ્રથમા
– સંસ્કૃત મધ્યમા

બસાઇટ પર ઉપલબ્ધ વિગતવાર કાર્યક્રમ
વિદ્યાર્થીઓ માટે પરીક્ષાનો વિગતવાર કાર્યક્રમ, વિષયવાર ટાઈમટેબલ તેમજ જરૂરી સૂચનાઓ બોર્ડની સત્તાવાર વેબસાઇટ પર ઉપલબ્ધ કરાવવામાં આવી છે.

GSEB Official Website

વિદ્યાર્થીઓને સમયસર તૈયારી પૂર્ણ કરવા અને સત્તાવાર વેબસાઇટ પરથી પરીક્ષાની તમામ વિગતો ચકાસવા સૂચના આપવામાં આવી છે.