Bindia
દેશભરમાં LPG ગેસની અછત અંગે ચાલી રહેલી અફવાઓ વચ્ચે Ministry of Petroleum and Natural Gasએ મહત્વપૂર્ણ સ્પષ્ટતા કરી છે. મંત્રાલયે જણાવ્યું છે કે દેશમાં LPGનો કોઈ અભાવ નથી અને સપ્લાય સંપૂર્ણપણે સામાન્ય છે. અધિકારીઓના જણાવ્યા મુજબ, હાલમાં લગભગ 95% ઘરેલુ ગેસ સિલિન્ડરની ડિલિવરી ઓથેન્ટિકેશન કોડ દ્વારા કરવામાં આવી રહી છે, જેના કારણે પારદર્શિતા અને યોગ્ય વિતરણ સુનિશ્ચિત થાય છે. છેલ્લા માત્ર બે દિવસમાં જ દેશભરમાં 87 લાખથી વધુ LPG સિલિન્ડરની સફળ ડિલિવરી કરવામાં આવી છે.
નાના અને કોમર્શિયલ સેગમેન્ટમાં પણ પૂરતી સપ્લાય
મંત્રાલયના આંકડા અનુસાર છેલ્લા 48 કલાકમાં 15,900 ટન કોમર્શિયલ LPGનું વેચાણ થયું છે, જ્યારે 876 ટન ઓટો LPGની સપ્લાય કરવામાં આવી છે. નાના ગ્રાહકો માટે 5 કિલોના આશરે 1.20 લાખ સિલિન્ડર પણ વેચાયા છે. સાથે સાથે શહેરોમાં Piped Natural Gas (PNG) કનેક્શનનો વિસ્તાર ઝડપથી વધી રહ્યો છે, જેના કારણે LPG પરની નિર્ભરતા ધીમે ધીમે ઘટી રહી છે. છેલ્લા દિવસોમાં 6.31 લાખ નવા કનેક્શન સક્રિય થયા છે અને હજારો લોકોએ LPG કનેક્શન પરત આપ્યા છે.
નિયમોના ભંગ સામે કડક કાર્યવાહી
પેટ્રોલ-ડીઝલ પંપ પર હાલ સ્થિતિ સામાન્ય છે, પરંતુ કેટલાક વિસ્તારોમાં ગભરાટને કારણે વધુ બુકિંગ નોંધાઈ રહી છે. મંત્રાલયે જણાવ્યું કે નિયમોનું પાલન સુનિશ્ચિત કરવા માટે 2100થી વધુ સ્થળોએ દરોડા પાડવામાં આવ્યા છે અને અનેક ડિસ્ટ્રિબ્યુટર્સ સામે કાર્યવાહી કરવામાં આવી છે.
મંત્રાલયે વધુમાં જણાવ્યું છે કે રિફાઈનરી, પોર્ટ અને શિપિંગની તમામ કામગીરી સામાન્ય રીતે ચાલી રહી છે. સાથે જ લોકોને અફવાઓથી દૂર રહેવાની અને અનાવશ્યક ગભરાટ ન ફેલાવવાની અપીલ કરવામાં આવી છે.
- Follow us on WHATSAPP :- https://whatsapp.com/channel/0029Va4r…
- WEBSITE : https://bindia.co/
- INSTAGRAM : https:// bindia.in
- FACEBOOK : https://www.facebook.com/buletinindialive
- X : https://x.com/bindia276
