Bindia
અમેરિકામાં રાષ્ટ્રપતિ ડોનાલ્ડ ટ્રમ્પના કાર્યકાળ દરમિયાન લાદવામાં આવેલી ટેરિફને ગેરકાયદેસર જાહેર કરવામાં આવ્યા બાદ હવે રિફંડ પ્રક્રિયા શરૂ થઈ ગઈ છે. આ નિર્ણયને અમેરિકન ઇતિહાસનું સૌથી મોટું ટેરિફ રિફંડ માનવામાં આવી રહ્યું છે, જેમાં અંદાજે 166 અબજ ડોલર (લગભગ ₹13.8 લાખ કરોડ) પરત કરવાના રહેશે.
નવા નિર્ણય મુજબ અમેરિકાની કંપનીઓ સોમવારથી ઓનલાઈન પોર્ટલ મારફતે ક્લેમ ફાઈલ કરી શકે છે. સુપ્રીમ કોર્ટના આદેશ બાદ આ કાર્યવાહી શરૂ કરવામાં આવી છે, જેમાં જણાવાયું હતું કે ટ્રમ્પ પ્રશાસને ઈમરજન્સી સત્તાનો અયોગ્ય ઉપયોગ કરીને ટેરિફ લગાવ્યા હતા.
આ કેસ બાદ કોર્ટ ઓફ ઇન્ટરનેશનલ ટ્રેડે આદેશ આપ્યો છે કે આયાતકારોને તેમની જમા રકમ સાથે વ્યાજ પણ પરત કરવામાં આવે. અંદાજ મુજબ લગભગ 3.3 લાખ આયાતકારોને આ નિર્ણયનો લાભ મળશે, જેમણે કાર પાર્ટ્સથી લઈને સ્માર્ટફોન સુધીના ઉત્પાદનો પર ભારે ટેક્સ ચૂકવ્યો હતો.
યુએસ કસ્ટમ્સ એન્ડ બોર્ડર પ્રોટેક્શન (CBP) દ્વારા આ પ્રક્રિયા માટે CAPE નામનું નવું ઓનલાઈન પોર્ટલ શરૂ કરવામાં આવ્યું છે. આયાતકારો અને કસ્ટમ બ્રોકર્સને ACE પોર્ટલ પર રજીસ્ટ્રેશન કરીને બેંક વિગતો સાથે ક્લેમ સબમિટ કરવાનો રહેશે. અધિકારીઓના જણાવ્યા મુજબ, યોગ્ય દસ્તાવેજો સાથેની અરજીઓ પર 60થી 90 દિવસમાં રિફંડ આપવામાં આવી શકે છે.
પ્રારંભિક તબક્કામાં માત્ર અનલિક્વિડેટેડ એન્ટ્રીઝ અને તાજેતરના કેસોને જ સામેલ કરવામાં આવ્યા છે. બાકીના કેસોને આગળના તબક્કામાં લેવામાં આવશે. અત્યાર સુધીમાં હજારો આયાતકારોએ જ રજીસ્ટ્રેશન પ્રક્રિયા પૂર્ણ કરી છે.
આ નિર્ણયથી કંપનીઓને મોટી રાહત મળવાની શક્યતા છે, પરંતુ તેનો કેટલો લાભ સામાન્ય ગ્રાહકો સુધી પહોંચશે તે હજી સ્પષ્ટ નથી. ન્યૂયોર્ક ફેડરલ રિઝર્વના અંદાજ મુજબ ટેરિફનો મોટો બોજ કંપનીઓ અને ગ્રાહકો વચ્ચે વહેંચાયો હતો.
આ સાથે જ ટેરિફને લઈને કાનૂની વિવાદ હજુ ચાલુ છે. અનેક કંપનીઓએ આ નીતિ સામે કેસ દાખલ કર્યા છે અને સરકાર તરફથી પણ અપીલની શક્યતા છે, જેના કારણે સમગ્ર પ્રક્રિયા લાંબી ખેંચાઈ શકે છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
