Bindia
પંચમહાલના પવિત્ર ગણાતા ગોધરામાં દ્વારકાપીઠના જગદગુરુ શંકરાચાર્ય સ્વામી સદાનંદ સરસ્વતીજી દ્વારા ગાય માતાને ‘રાષ્ટ્રમાતા’ જાહેર કરવાની પ્રબળ માંગ ઉઠાવવામાં આવી છે. શંકરાચાર્ય પાંચ દિવસીય પ્રવાસ દરમિયાન ગોધરાની ધર્મસભામાં આવી માંગ રજૂ કરી, જેનાથી ગૌરક્ષા અને સનાતન ધર્મના પ્રચારને નવી ઊંચાઈ મળી છે.
આદિવાસી વિસ્તારોમાં ધર્માંતરણની ચિંતા
શંકરાચાર્યએ આદિવાસી વિસ્તારોમાં વધતા ધર્માંતરણના મુદ્દે ચિંતા વ્યક્ત કરી. તેમણે જણાવ્યું કે, ભોળા આદિવાસીઓને વિવિધ પ્રલોભનો આપી ધર્મ પરિવર્તન કરાવવામાં આવી રહ્યું છે, જે અટકાવવું અત્યંત જરૂરી છે. તેઓ પોતે આદિવાસીઓ વચ્ચે જઈ સનાતન ધર્મનો પ્રચાર કરી રહ્યા છે, જેથી લોકો પોતાની મૂળ સંસ્કૃતિ સાથે જોડાયેલા રહે.
વર્ણવ્યવસ્થાનો મહત્વ
વર્તમાન સમયમાં ચાલી રહેલી ચર્ચાઓ પર પૂંણવિરામ મુકતા શંકરાચાર્યે જણાવ્યું કે, સનાતન સંસ્કૃતિમાં વર્ણવ્યવસ્થા અનિવાર્ય છે. લોકો આ વ્યવસ્થા દૂર થવી જોઈએ એવું કહી શકે, પરંતુ તે શક્ય નથી. મહત્વનું એ છે કે દરેક વ્યક્તિએ એકબીજાના વર્ણનું સન્માન કરવું જોઈએ.
ગાય માતાની રાષ્ટ્રમાતા તરીકે ઓળખાણ
ગોધરા, જેનું નામ ‘ગાયોની ધરા’ તરીકે ઓળખાય છે, ત્યાંથી શંકરાચાર્યે ગૌરક્ષાની હાકલ કરી. તેમણે જણાવ્યું કે, ગાય માત્ર પશુ નથી, પરંતુ ભારતીય સંસ્કૃતિનો આધાર છે. શંકરાચાર્યનું કહેવું છે કે, જો તેને રાષ્ટ્રીય સ્તરે સર્વોચ્ચ દરજ્જો આપવામાં આવે, તો જ તેની સાચી રીતે રક્ષા થઈ શકે. પાંચ દિવસીય પ્રવાસના અંતે શંકરાચાર્યના કડક અને સ્પષ્ટ વલણને કારણે સમગ્ર પંથકમાં સનાતન ધર્મ અને ગૌરક્ષાને લઈને નવી ચેતના ફેલાઈ છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
