Bindia
ઇન્ડિયન પ્રીમિયર લીગ 2025માં એક ઐતિહાસિક મેચ જોવા મળી. યુઝવેન્દ્ર ચહલના નેતૃત્વમાં પંજાબ કિંગ્સના બોલરોએ શાનદાર પ્રદર્શન આપ્યું અને માત્ર 111 રનના લક્ષ્યાંકનો સફળતાપૂર્વક બચાવ કરીને કોલકાતા નાઈટ રાઈડર્સ (KKR) સામે 16 રનથી જીત હાંસલ કરી. મેચ દરમિયાન પંજાબે ટોસ જીતીને બેટિંગ પસંદ કરી હતી. તેમનો ઈનિંગ માત્ર 15.3 ઓવરમાં 111 રન પર સમાપ્ત થયો હતો. જવાબમાં, KKRની ટીમ 15.1 ઓવરમાં 95 રન પર ઓલઆઉટ થઈ ગઈ. આ સાથે પંજાબે IPL ઇતિહાસમાં સૌથી ઓછા લક્ષ્યાંકનો સફળ બચાવ કર્યો છે.
CSKનો 16 વર્ષ જૂનો રેકોર્ડ તૂટી ગયો
આ જીત સાથે પંજાબે ચેન્નાઈ સુપર કિંગ્સ (CSK)નો 2009માં બનાવેલો રેકોર્ડ તોડી નાખ્યો છે. 2009માં, ડરબનમાં CSKએ પંજાબ સામે 117 રનનો લક્ષ્યાંક સફળતાપૂર્વક બચાવ્યો હતો, ત્યારે પંજાબની ટીમ 92 રન પર ઓલઆઉટ થઈ હતી. હવે પંજાબે માત્ર 112 રનનું લક્ષ્યાંક આપીને પણ જીત મેળવી છે.
ચહલનો જાદૂ
મેચના હીરો બન્યા યુઝવેન્દ્ર ચહલ, જેમણે 4 ઓવરમાં માત્ર 17 રનમાં 4 વિકેટ લીધી. ચહલની સ્પિન સામે KKRના બેટ્સમેન એક પછી એક પેવિલિયન ભેગા થયા. પાછલા સીઝનમાં પંજાબે KKR સામે IPLના પોતાના ઇતિહાસમાં સૌથી મોટો લક્ષ્યાંક હાંસલ કર્યો હતો, જ્યારે આ વર્ષે સૌથી નાનો લક્ષ્યાંક સફળતાપૂર્વક બચાવ્યો. બંને ટીમો વચ્ચેની મેચો હંમેશા રોમાંચક રહી છે.
IPLમાં સૌથી ઓછો ડિફેન્ડેડ સ્કોર
| સ્કોર | ટીમ | વિરુદ્ધ | સ્થળ | વર્ષ |
|---|---|---|---|---|
| 111 | પંજાબ | કેકેઆર | મુલ્લાનપુર | 2025 |
| 116/9 | સીએસકે | પંજાબ | ડર્બન | 2009 |
| 118 | હૈદરાબાદ | મુંબઈ | મુંબઈ | 2018 |
| 119/8 | પંજાબ | મુંબઈ | ડર્બન | 2009 |
| 119/8 | હૈદરાબાદ | પુણે | પુણે | 2013 |
