Bindia
WhatsApp પર બાળકો શું કરી રહ્યા છે, હવે Parentsકરી શકશે કન્ટ્રોલ, જાણો કેવી રીતે કામ કરશે આ ફીચર
આજના સમયમાં બાળકો અને કિશોરો માટે WhatsApp માત્ર ચેટિંગ એપ નથી રહી. મિત્રો સાથે વાતચીત, ગ્રુપ, સ્ટેટસ, ચેનલ્સ અને હવે Meta AI જેવી સુવિધાઓનો ઉપયોગ પણ તેઓ કરે છે. આવી સ્થિતિમાં માતા-પિતાને પોતાના કિશોરો WhatsApp પર કઈ રીતે જોડાઈ રહ્યા છે અને તેમની પ્રાઇવસી કેવી રીતે સુરક્ષિત રાખવી તે અંગે ચિંતા રહેતી હોય છે. આને ધ્યાનમાં રાખીને WhatsAppએ ટીન એકાઉન્ટ્સ માટે નવા પેરેન્ટલ કંટ્રોલ્સ રજૂ કર્યા છે. Meta દ્વારા 30 સપ્ટેમ્બર, 2026ના રોજ આ નવા કંટ્રોલ્સની જાહેરાત કરવામાં આવી હતી. કંપનીના જણાવ્યા પ્રમાણે, આ સુવિધાઓ માતા-પિતા અને કિશોરો સાથે મળીને સેટ કરી શકે છે અને તેનો ઉપયોગ સંપૂર્ણપણે વૈકલ્પિક છે.
-> Parentsને શું કંટ્રોલ મળશે? : WhatsAppના નવા પેરેન્ટલ કંટ્રોલ્સનો હેતુ માતા-પિતાને પોતાના કિશોરના WhatsApp અનુભવ અંગે માર્ગદર્શન આપવાની સુવિધા આપવાનો છે. Parents કિશોરની કેટલીક પ્રાઇવસી સેટિંગ્સ, ફીચરનો ઉપયોગ અને એક્ટિવિટી એલર્ટ્સ મેનેજ કરી શકશે.માતા-પિતા નક્કી કરી શકશે કે કિશોરની પ્રોફાઇલ અંગેની કેટલીક માહિતી કોણ જોઈ શકે અને કોણ તેને ગ્રુપમાં ઉમેરી શકે. જો કિશોર કોઈ સેટિંગને વધુ ખુલ્લું કરવા માગશે, તો કેટલીક સ્થિતિમાં પેરેન્ટના PINથી મંજૂરી લેવી પડશે.
-> WhatsAppની ચેટ માતા-પિતા વાંચી શકશે નહીં : નવા પેરેન્ટલ કંટ્રોલ્સનો સૌથી મહત્વનો મુદ્દો એ છે કે તેનો અર્થ એ નથી કે માતા-પિતા પોતાના બાળકની દરેક વ્યક્તિગત ચેટ વાંચી શકશે.WhatsAppના જણાવ્યા પ્રમાણે, પેરેન્ટલ કંટ્રોલ્સ ચાલુ હોવા છતાં કિશોરના વ્યક્તિગત મેસેજ અને કોલ્સ એન્ડ-ટુ-એન્ડ એન્ક્રિપ્શનથી સુરક્ષિત રહેશે. એટલે Parentsઅથવા WhatsApp પણ વ્યક્તિગત ચેટનો કન્ટેન્ટ વાંચી કે સાંભળી શકશે નહીં.અર્થાત આ ફીચરનો મુખ્ય હેતુ ચેટની જાસૂસી કરવો નહીં, પરંતુ કિશોરની કેટલીક પ્રાઇવસી અને ફીચર સેટિંગ્સ અંગે પેરેન્ટને નિયંત્રણ આપવાનો છે.
નવા કંટ્રોલ્સ હેઠળ WhatsApp કેટલીક એક્ટિવિટી અંગે માતા-પિતાને નોટિફિકેશન આપશે.ઉદાહરણ તરીકે, કિશોર કોઈ નવા ગ્રુપમાં જોડાય અથવા ગ્રુપમાંથી બહાર નીકળે તો પેરેન્ટને તેની જાણ થઈ શકે છે. ઉપરાંત, કિશોર જે ગ્રુપમાં છે તેમાં સભ્યોની સંખ્યા નોંધપાત્ર રીતે વધે તો પણ એક્ટિવિટી એલર્ટ મળી શકે છે.આ સુવિધાનો હેતુ માતા-પિતાને કિશોર કોની સાથે જોડાઈ રહ્યો છે તે અંગે વધુ સંદર્ભ આપવાનો છે, પરંતુ WhatsApp વ્યક્તિગત મેસેજની સામગ્રી Parentsને બતાવતું નથી.
-> Status પર પણ Parentsનું નિયંત્રણ : WhatsApp Status અંગે પણ નવા નિયંત્રણો આપવામાં આવ્યા છે. Parents નક્કી કરી શકે છે કે કિશોર કોના Status જોઈ શકે અને કિશોરનો Status કોણ જોઈ શકે.સેટિંગ્સમાં પેરેન્ટ્સ પાસે Contacts, Contacts Except, Selected Contacts અથવા Nobody જેવા વિકલ્પો ઉપલબ્ધ છે. એટલે પરિવાર પોતાની જરૂરિયાત પ્રમાણે Statusની પ્રાઇવસી સેટ કરી શકે છે.
આ સુવિધા ખાસ કરીને એવા પરિવારો માટે ઉપયોગી બની શકે છે જ્યાં માતા-પિતા ઇચ્છે છે કે કિશોરની સોશિયલ એક્ટિવિટી મર્યાદિત લોકો સુધી જ રહે.WhatsAppના Channels ફીચર માટે પણ પેરેન્ટલ કંટ્રોલ આપવામાં આવ્યા છે. માતા-પિતા નક્કી કરી શકે છે કે કિશોરને બધા Channels જોવા દેવા કે માત્ર પેરેન્ટ દ્વારા મંજૂર કરેલા Channels જ જોવા દેવા.તે ઉપરાંત Parents કિશોરને પોતાનો Channel બનાવવાની મંજૂરી આપવી કે નહીં તે પણ નક્કી કરી શકે છે. WhatsAppના Help Center મુજબ Channels માટે All, Parent-approved only અને None જેવા વિકલ્પો ઉપલબ્ધ છે.
-> Meta AI માટે પણ કંટ્રોલ : નવા ફીચરમાં Meta AI અંગેનું નિયંત્રણ પણ સામેલ છે. Parents કિશોર માટે Meta AIનો સામાન્ય અનુભવ રાખી શકે છે અથવા વધુ મર્યાદિત અનુભવ પસંદ કરી શકે છે.WhatsAppના જણાવ્યા પ્રમાણે, Standard સેટિંગમાં કિશોરને 13+ વય માટે યોગ્ય ગણાતા વિષયો અંગે સામાન્ય રીતે Meta AI સાથે વાતચીત કરવાની સુવિધા મળે છે. જ્યારે Limited વિકલ્પ વધુ કડક રીતે વિષયો મર્યાદિત કરવા માટે છે.આ સુવિધા એવા માતા-પિતા માટે ઉપયોગી બની શકે છે જેઓ પોતાના કિશોરના AI ઉપયોગ અંગે વધારાનું માર્ગદર્શન આપવા માગે છે.
WhatsAppના હાલના Help Center મુજબ, Teen Parental Controls 13થી 17 વર્ષની ઉંમરના કિશોરો માટે ઉપલબ્ધ છે. પેરેન્ટ અથવા ગાર્ડિયનની ઉંમર ઓછામાં ઓછી 18 વર્ષ હોવી જોઈએ. મહત્વની વાત એ છે કે પેરેન્ટ અને કિશોર બંનેની સંમતિથી એકાઉન્ટ લિંક કરવું પડે છે.સેટઅપ માટે કિશોરના ફોનમાં WhatsApp ખોલીને:પછી કિશોરની જન્મતારીખ અને ઉંમરની પુષ્ટિ કરવી પડે છે. ત્યારબાદ પેરેન્ટના એકાઉન્ટને લિંક કરવાની પ્રક્રિયા શરૂ થાય છે.પેરેન્ટના ફોન પરથી QR કોડ સ્કેન કર્યા પછી પેરેન્ટને પોતાની વયની પુષ્ટિ કરવી પડે છે અને ત્યારબાદ 6 અંકનો Parent PIN બનાવવો પડે છે. આ PINનો ઉપયોગ આગળ જઈને પ્રાઇવસી સેટિંગ્સ અને કેટલાક ફીચર્સમાં ફેરફાર કરવા માટે થશે.
-> આ ફીચર વૈકલ્પિક છે : WhatsAppએ સ્પષ્ટ કર્યું છે કે પેરેન્ટલ કંટ્રોલ્સ ફરજિયાત નથી. દરેક પરિવાર પોતાની જરૂરિયાત પ્રમાણે તેને ચાલુ કે બંધ કરી શકે છે. એટલે કિશોરો માટે WhatsApp વાપરવા માટે આ કંટ્રોલ્સ સક્રિય કરવું જરૂરી નથી.આ ઉપરાંત આ ફીચર ધીમે-ધીમે રોલઆઉટ થઈ રહ્યું છે, તેથી દરેક યુઝરને તરત જ આ વિકલ્પ જોવા મળે એવું જરૂરી નથી. WhatsApp પોતે પણ કહે છે કે કેટલાક વિસ્તારોમાં આ સુવિધા હજુ ઉપલબ્ધ ન હોઈ શકે. નવી સુવિધા મેળવવા માટે WhatsAppનું લેટેસ્ટ વર્ઝન રાખવાની સલાહ આપવામાં આવી છે.
WhatsAppના નવા પેરેન્ટલ કંટ્રોલ્સમાં માત્ર ટેક્નિકલ નિયંત્રણ કરતાં પરિવાર વચ્ચેના સંવાદને પણ મહત્વ આપવામાં આવ્યું છે. કંપનીનું કહેવું છે કે આ કંટ્રોલ્સ એવી રીતે બનાવવામાં આવ્યા છે કે માતા-પિતા અને કિશોરો મળીને નક્કી કરી શકે કે તેમના માટે WhatsAppનો કયો અનુભવ યોગ્ય છે.આથી પેરેન્ટલ કંટ્રોલને માત્ર “નજર રાખવાની સુવિધા” તરીકે જોવાને બદલે ડિજિટલ સલામતી અંગે ચર્ચા કરવાની શરૂઆત તરીકે પણ ઉપયોગ કરી શકાય છે.
-> બાળકોની પ્રાઇવસી અને સુરક્ષા વચ્ચે સંતુલન : નવા ફીચરમાં WhatsAppે બે બાબતો વચ્ચે સંતુલન બનાવવાનો પ્રયાસ કર્યો છે—એક તરફ માતા-પિતાને કિશોરની કેટલીક એક્ટિવિટી અને સેટિંગ્સ અંગે માહિતી આપવી અને બીજી તરફ વ્યક્તિગત ચેટની ગોપનીયતા જાળવી રાખવી.મેસેજ અને કોલની એન્ડ-ટુ-એન્ડ એન્ક્રિપ્શન યથાવત રહે છે, જ્યારે Parentsને ગ્રુપ, Status, Channels, Meta AI અને કેટલીક Privacy Settings અંગે નિયંત્રણ મળે છે.આ રીતે WhatsAppનું નવું પેરેન્ટલ કંટ્રોલ ફીચર માતા-પિતાને કિશોરોના ડિજિટલ અનુભવમાં વધુ સક્રિય ભૂમિકા આપવાનો પ્રયાસ છે, પરંતુ વ્યક્તિગત વાતચીતની પ્રાઇવસી પણ જાળવી રાખે છે. ફીચરનું રોલઆઉટ તબક્કાવાર હોવાથી યુઝર્સે પોતાના WhatsAppમાં Settings → Parental Controls વિકલ્પ ઉપલબ્ધ છે કે નહીં તે તપાસવું રહેશે.
- on WHATSAPP :- https://whatsapp.com/channel/0029Va4r…
- WEBSITE : https://bindia.co/
- INSTAGRAM : https://www.instagram.com/bindiaa.in
- FACEBOOK : hus ttps://www.facebook.com/buletinindialive
- X : https://x.com/bindia276
