Bindia
આજ રોજ શહેરા-ગોધરા હાઇવે પર વાઘજીપુર ચોકડી નજીક એક કારમાં અચાનક આગ ભભૂકી ઉઠતાં હાઇવે પર અફરાતફરીનો માહોલ સર્જાયો હતો. જસ્નમાં ડ્રાઇવર સહિત ચાર લોકો સવાર હતા, પરંતુ ડ્રાઇવરની સતર્કતાથી ચારેય મુસાફરો સમયસર કારમાંથી બહાર નીકળી ગયા અને મોટી જાનહાનિ ટળી હતી.
પ્રાપ્ત માહિતી અનુસાર, કાર હાઇવે પરથી પસાર થઈ રહી હતી ત્યારે તેમાં અગમ્ય કારણોસર આગ લાગી હતી. આગ એટલી ઝડપથી ફેલાઈ કે થોડી જ ક્ષણોમાં સમગ્ર કાર બળીને ખાખ થઈ ગઈ હતી. ગાડીમાંથી ઉઠતી ધુમાડાની ગાઢ વાદળો અને ભયાનક જ્વાળાઓ જોઈને આસપાસના વાહનચાલકોમાં દહેશત પ્રસરી ગઈ હતી.
આ ઘટનાની જાણ થતા જ સ્થાનિક લોકોએ તરત શહેરા પાલિકા ફાયર વિભાગને જાણ કરી હતી. જોકે ફાયર બ્રિગેડ પહોંચી તે પહેલાં જ આખી કાર ખાખ થઈ ચૂકી હતી. ફાયર ફાઇટરે આગ પર કાબૂ મેળવ્યા બાદ રસ્તા પરના કાટમાળને હટાવવાની કામગીરી હાથ ધરી હતી, જેના કારણે રસ્તો થોડા સમય માટે બંધ રાખવો પડ્યો હતો.
અંતે, આગને સંપૂર્ણપણે કાબૂમાં લેતા હાઇવે ફરીથી વાહન વ્યવહાર માટે ખુલ્લો મુકવામાં આવ્યો હતો. જોકે ઘટનાએ તમામને હચમચાવી મૂક્યાં છે કે ચાલતી કારમાં આવી રીતે આગ લાગી શકે છે. આ ઘટનામાં કોઇ જાનહાનિ નહીં થતા રાહતનો શ્વાસ લેવામાં આવ્યો છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/buletin_india
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
