રાજકોટમાં ફનબ્લાસ્ટ ગેમઝોનમાં ભીષણ આગ: નાસભાગ છતાં કોઈ જાનહાનિ નહીં

રાજકોટ શહેરના પોશ વિસ્તાર ગણાતા કાલાવડ રોડ પર આવેલા FunBlast Game Zoneમાં આજે (26 એપ્રિલ) અચાનક ભીષણ આગ ફાટી નીકળતા અફરાતફરીનો માહોલ સર્જાયો હતો. રવિવાર અને વેકેશન હોવાને કારણે ગેમઝોનમાં મોટી સંખ્યામાં બાળકો અને પરિવારજનો હાજર હતા.

આગ લાગતાં જ ગેમઝોનમાંથી ધુમાડાના ગોટેગોટા અને જ્વાળાઓ દૂર સુધી દેખાતા લોકોમાં ભયનો માહોલ ફેલાયો હતો. અંદર રહેલા લોકોમાં નાસભાગ મચી ગઈ હતી અને સૌએ જીવ બચાવવા માટે બહાર દોડ લગાવી હતી.

સમયસર રેસ્ક્યુ, મોટી દુર્ઘટના ટળી
પ્રાથમિક માહિતી અનુસાર, આગ લાગવાનું ચોક્કસ કારણ હજુ સુધી સામે આવ્યું નથી, પરંતુ શોર્ટ સર્કિટને કારણે આગ લાગી હોવાનો અનુમાન વ્યક્ત કરવામાં આવી રહ્યો છે. સદનસીબે, આ ઘટનામાં કોઈ જાનહાનિ કે ગંભીર ઇજાની માહિતી મળી નથી. ઘટનાની જાણ થતા જ ફાયર બ્રિગેડની ટીમ તાત્કાલિક સ્થળ પર પહોંચી ગઈ હતી અને આગ પર કાબૂ મેળવવાની કામગીરી હાથ ધરવામાં આવી હતી. ફાયર ટીમ દ્વારા ગેમઝોનમાં ફસાયેલા તમામ લોકોને સલામત રીતે બહાર કાઢવામાં આવ્યા હતા, જેના કારણે મોટી દુર્ઘટના ટળી હતી.

તપાસ હાથ ધરાશે
ઘટનાને પગલે પ્રશાસન દ્વારા આગના ચોક્કસ કારણોની તપાસ શરૂ કરવામાં આવશે. આ બનાવે શહેરમાં સુરક્ષા વ્યવસ્થાઓ અંગે પણ અનેક સવાલો ઊભા કર્યા છે.

• Follow us on WHATSAPP :- https://whatsapp.com/channel/0029Va4r…
• WEBSITE : https://bindia.co/
• INSTAGRAM : https:// bindia.in
• FACEBOOK : https://www.facebook.com/buletinindialive 
• X : https://x.com/bindia276