Bindia
ઉત્તરાખંડના ચમોલી જિલ્લામાં ગઈકાલે મોડી રાત્રે એક ગંભીર અકસ્માત સર્જાયો હતો. THDC દ્વારા નિર્માણાધીન વિષ્ણુગઢ–પીપલકોટી હાઇડ્રોઇલેક્ટ્રિક પ્રોજેક્ટની ટનલની અંદર બે લોકોમોટિવ ટ્રેનો સામસામે અથડાઈ ગયા હતા. આ અકસ્માતમાં આશરે 60 કામદારો અને કર્મચારીઓ ઘાયલ થયા છે. ઘટના રાત્રે લગભગ 9:30 વાગ્યાની આસપાસ બની હતી.
અલકનંદા નદી પર બની રહેલા 444 મેગાવોટના આ જળવિદ્યુત પ્રોજેક્ટ માટે લગભગ 13 કિલોમીટર લાંબી ટનલનું કામ ચાલી રહ્યું છે. અકસ્માત સમયે ટનલની અંદર 100થી વધુ અધિકારીઓ, કર્મચારીઓ અને મજૂરો હાજર હતા. કામ ઝડપથી પૂર્ણ કરવા માટે ટનલમાં ભારે મશીનરી અને લોકોમોટિવ ટ્રેનોનો ઉપયોગ કરવામાં આવી રહ્યો હતો, જેમાંથી બે ટ્રેનો અથડાતા આ દુર્ઘટના બની.
અકસ્માત બાદ ઘાયલોને તાત્કાલિક હોસ્પિટલ ખસેડવામાં આવ્યા હતા. જિલ્લા મેજિસ્ટ્રેટ ગૌરવ કુમાર અને પોલીસ અધિક્ષક સુરજીત સિંહ પનવારે જિલ્લા હોસ્પિટલ ગોપેશ્વર પહોંચી ઘાયલોની તબિયત વિશે માહિતી મેળવી અને ડોક્ટરોને યોગ્ય સારવારની સૂચનાઓ આપી.
પ્રાપ્ત માહિતી મુજબ, 42 ઘાયલોને જિલ્લા હોસ્પિટલ ગોપેશ્વરમાં અને 17 ઘાયલ મજૂરોને વિવેકાનંદ હોસ્પિટલ પીપલકોટીમાં સારવાર આપવામાં આવી રહી છે. અન્ય કેટલાક લોકોને સામાન્ય ઈજાઓ થઈ હોવાનું જણાવાયું છે. હાલ તમામ ઘાયલોની સ્થિતિ સ્થિર હોવાનું અધિકારીઓએ જણાવ્યું છે. અકસ્માતને કારણે ટનલમાં ચાલી રહેલું બાંધકામ કામ તાત્કાલિક અટકાવી દેવામાં આવ્યું છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
