Bindia
મધ્ય પૂર્વમાં વધી રહેલા તણાવ વચ્ચે ઈઝરાયલે પોતાની સૈન્ય શક્તિ મજબૂત બનાવવાનો મોટો નિર્ણય લીધો છે. ઈઝરાયેલ હવે United States પાસેથી F-35I અને F-15IA જેવા અદ્યતન ફાઈટર જેટના વધુ બે સ્ક્વોડ્રન ખરીદશે. આ અંગે જાહેરાત ઈઝરાયલના રક્ષામંત્રાલય દ્વારા કરવામાં આવી છે.
અબજો ડોલરનો સોદો
આ સોદા હેઠળ લોકહીડ માર્ટિન પાસેથી ચોથો F-35I સ્ક્વોડ્રન અને બોઇંગ પાસેથી બીજો F-15IA સ્ક્વોડ્રન ખરીદવામાં આવશે. આ ડીલની કિંમત અબજો ડોલરમાં હોવાનું જણાવાયું છે.
વાયુસેનાની શક્તિમાં મોટો વધારો
આ નવા વિમાનો ઉમેરાયા બાદ ઈઝરાયેલી વાયુસેનાની ક્ષમતા નોંધપાત્ર રીતે વધશે. આગામી વર્ષોમાં F-35I વિમાનોની સંખ્યા વધીને 100 થશે, જ્યારે F-15IA વિમાનોનો કાફલો 50 સુધી પહોંચી જશે. હાલમાં ઈઝરાયલ પાસે 48 F-35I વિમાનો ઉપલબ્ધ છે.
ડિલિવરી ટાઈમલાઈન
2023માં ઓર્ડર કરાયેલા 25 F-35I વિમાનોની ડિલિવરી 2028થી શરૂ થશે
2024માં ઓર્ડર કરાયેલા 25 F-15IA વિમાનો 2031થી મળવાની શક્યતા
સુરક્ષા મજબૂત કરવાનો પ્રયાસ
ઈઝરાયલના રક્ષામંત્રી ઇઝરાયેલ કાત્ઝએ જણાવ્યું કે ઈરાન સાથેના તાજેતરના તણાવે વાયુસેનાની મહત્વપૂર્ણ ભૂમિકા ફરી સાબિત કરી છે. તેમણે ભારપૂર્વક કહ્યું કે દેશની સુરક્ષા માટે અદ્યતન હવાઈ શક્તિ અનિવાર્ય છે.
અમેરિકા-ઈઝરાયલ સંબંધો વધુ મજબૂત
આ સોદો Israel Defense Forcesને લાંબા ગાળે સૈન્ય લાભ આપશે. સાથે જ અમેરિકા અને ઈઝરાયલ વચ્ચેના વ્યૂહાત્મક સંબંધોને પણ વધુ મજબૂત બનાવશે. તાજેતરમાં જ અમેરિકા તરફથી હજારો ટન સૈન્ય સામગ્રી પણ ઈઝરાયલ પહોંચાડવામાં આવી છે.
- Follow us on WHATSAPP :- https://whatsapp.com/channel/0029Va4r…
- WEBSITE : https://bindia.co/
- INSTAGRAM : https:// bindia.in
- FACEBOOK : https://www.facebook.com/buletinindialive
- X : https://x.com/bindia276
