Bindia
ગાઝા યુદ્ધને લઈને આંતરરાષ્ટ્રીય રાજકારણ વધુ ગરમાયું છે. આ દરમિયાન વિશ્વના સૌથી વધુ મુસ્લિમ વસ્તી ધરાવતા દેશ ઇન્ડોનેશિયાએ અમેરિકાને મોટો રાજકીય સંદેશ આપ્યો છે. અમેરિકાના પૂર્વ રાષ્ટ્રપ્રમુખ ડોનાલ્ડ ટ્રમ્પ દ્વારા પ્રસ્તાવિત ‘બોર્ડ ઓફ પીસ’ પહેલમાં કાયમી સભ્ય બનવા અંગે ઇન્ડોનેશિયાએ સ્પષ્ટ ઇનકાર કર્યો છે.
ઇન્ડોનેશિયાના રાષ્ટ્રપ્રમુખ પ્રબોવો સુબિયાન્તોએ રવિવારે પોતાના સત્તાવાર યુટ્યુબ ચેનલ દ્વારા નિવેદન જાહેર કરીને સ્થિતિ સ્પષ્ટ કરી હતી. તેમણે જણાવ્યું કે, ઇન્ડોનેશિયાએ માત્ર શાંતિ જાળવવા માટે સૈનિકો મોકલવાની તૈયારી દર્શાવી હતી, પરંતુ એક અબજ ડોલરનું આર્થિક યોગદાન આપવાનો કોઈ પ્રશ્ન જ નથી.
પ્રબોવો સુબિયાન્તોએ કહ્યું કે, “અમે ક્યારેય એવું નથી કહ્યું કે અમે એક અબજ ડોલર આપશું. અમારી પ્રતિબદ્ધતા માત્ર શાંતિ મિશન સુધી મર્યાદિત છે.” તેમણે વધુમાં ઉમેર્યું કે, ઇન્ડોનેશિયા પોતાના રાષ્ટ્રીય હિતોને પ્રાથમિકતા આપશે.
ઉલ્લેખનીય છે કે, ટ્રમ્પ પ્રશાસને કતાર અને ઈજિપ્ત સાથે મળીને ગાઝા યુદ્ધમાં યુદ્ધવિરામ માટે પ્રયત્નો કર્યા હતા. આ પહેલના ભાગરૂપે ‘બોર્ડ ઓફ પીસ’ રચાયું હતું, જેમાં કાયમી સભ્યપદ માટે એક અબજ ડોલરની ફી નક્કી કરવામાં આવી હતી. આ નિર્ણયને વૈશ્વિક સ્તરે ટીકા પણ મળી રહી છે.
આ મુદ્દે ઇન્ડોનેશિયામાં આંતરિક વિરોધ પણ વધી રહ્યો છે. કેટલાક મુસ્લિમ સંગઠનો દ્વારા ગાઝામાં 8000 શાંતિ સૈનિકો મોકલવાના નિર્ણય પર સવાલો ઉઠાવવામાં આવ્યા છે. વિરોધ વચ્ચે પ્રબોવોએ સ્પષ્ટ કર્યું કે જો આ પહેલ પેલેસ્ટાઇન માટે ફાયદાકારક નહીં સાબિત થાય અથવા દેશના હિતો સામે જશે, તો ઇન્ડોનેશિયા આમાંથી બહાર નીકળી જશે. આ ઘટનાએ વૈશ્વિક રાજનીતિમાં નવા તણાવનું સંકેત આપ્યું છે અને ગાઝા મુદ્દે આંતરરાષ્ટ્રીય સહકાર અંગે અનેક પ્રશ્નો ઉભા કર્યા છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
