અમદાવાદ એરપોર્ટ પર ઇન્ડિગો ફ્લાઇટનું ઇમરજન્સી લેન્ડિંગ, મળી હતી આ ધમકી

સાઉદી અરેબિયાના મદીનાથી હૈદરાબાદ, ભારત જઈ રહેલી ઇન્ડિગોની ફ્લાઇટ 6E-058નું અમદાવાદમાં ઇમરજન્સી લેન્ડિંગ કરવામાં આવ્યું. એરપોર્ટ સૂત્રોએ જણાવ્યું હતું કે બોમ્બ હોવાની ધમકી આપવામાં આવી હતી. વિમાનમાં 180 મુસાફરો અને છ ક્રૂ સભ્યો સવાર હતા.

અહેવાલો અનુસાર, વિમાનમાં એક મુસાફરે અચાનક જાહેરાત કરી કે તેની પાસે બોમ્બ છે. આ સાંભળીને, ક્રૂ અને અન્ય મુસાફરો સતર્ક થઈ ગયા. એર ટ્રાફિક કંટ્રોલ (ATC) ને તાત્કાલિક જાણ કરવામાં આવી, અને વિમાનને અમદાવાદ એરપોર્ટ તરફ વાળવામાં આવ્યું સવારે 11.30 વાગ્યે અમદાવાદ એરપોર્ટ પર વિમાનનું સલામત ઇમરજન્સી લેન્ડિંગ કરવામાં આવ્યું. ત્યારબાદ CISF અને એરપોર્ટ સુરક્ષા ટીમોએ વિમાનને ઘેરી લીધું અને તમામ મુસાફરોને સુરક્ષિત રીતે બહાર કાઢ્યા.

કોઈ શંકાસ્પદ વસ્તુ ન મળી
બોમ્બ ડિસ્પોઝલ સ્ક્વોડ (BDS) એ વિમાનની સંપૂર્ણ તપાસ કરી, પરંતુ અત્યાર સુધી કોઈ શંકાસ્પદ વસ્તુ મળી નથી. ફ્લાઇટમાં 180 મુસાફરો સવાર હતા. બોમ્બની ધમકી આપનાર મુસાફરની તાત્કાલિક ધરપકડ કરવામાં આવી હતી. અમદાવાદ પોલીસ તેની પૂછપરછ કરી રહી છે કે તેણે ધમકી શા માટે આપી, તે માનસિક રીતે સ્વસ્થ હતો કે તેનો કોઈ અન્ય હેતુ હતો.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in