કેનેડામાં ભારતીય યુવાનનું હોસ્પિટલમાં સારવાર ન મળતા મોત, એલોન મસ્કે હેલ્થ સિસ્ટમ પર કરી ટિપ્પણી

કેનેડામાં ભારતીય મૂળના 44 વર્ષના પ્રશાંત શ્રીકુમારની હોસ્પિટલમાં યોગ્ય સારવાર ન મળતા મોત નીપજ્યું છે. હોસ્પિટલમાં લગભગ આઠ કલાક સુધી રાહ જોવી પડતા છાતીમાં દુખાવાની ફરિયાદ હોવા છતાં તેમને પૂરતી તબીબી સહાયતા મળી નહોતી.

ઈલોન મસ્કે X (Twitter) પર કેનેડાની હેલ્થકેર સિસ્ટમની કડી ટીકા કરી છે. તેમણે જણાવ્યું કે જ્યારે સરકાર તબીબી સેવા પૂરી પાડે છે ત્યારે તે એટલી જ કાર્યક્ષમ હોવી જોઈએ જેટલી US DMV (મોટર વાહન વિભાગ) છે, જેની ઘણી વખત બિનકાર્યક્ષમતા પર લોકોએ ટિપ્પણી કરી છે.

પીડિત પરિવાર અનુસાર, શ્રીકુમારને 22 ડિસેમ્બરના બપોરે આશરે 12:15 વાગ્યે ગ્રે નન્સ કોમ્યુનિટી હોસ્પિટલમાં દાખલ કરવામાં આવ્યા હતા. તેઓ લગભગ 12:20 થી 8:50 સુધી ટ્રાયજ એરિયામાં રોકાયા, જ્યાં તેમ છતાં સારવારના પૂરતા પગલાં લેવામાં આવ્યા નહોતા.

છાતીમાં દુખાવાની વારંવાર ફરિયાદ હોવા છતાં, તેમને માત્ર ટાયલેનોલ આપવામાં આવ્યું. હોસ્પિટલ સ્ટાફે પીડિતની ફરિયાદોને ગંભીરતાથી લીધું નહોતું અને કાર્ડિયાક ઇમરજન્સી હોવાની શક્યતા નકારી. આ વિલંબના કારણે શ્રીકુમારને અંતે બચાવવાનો પ્રયાસ નિષ્ફળ રહ્યો.

તેમની પત્ની નિહારિકા શ્રીકુમારે જણાવ્યું કે મરતાં પહેલા તેમણે નાડીનો ધબકારા અનુભવવાનો પ્રયાસ કર્યો, પરંતુ તે નિષ્ફળ રહ્યો. હાલમાં વિદેશ મંત્રાલયે પણ આ મામલે નોંધ લીધી છે અને કેનેડિયન સરકારે જવાબદારી લેવાની માંગ કરી છે.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in