Bindia
ACC અંડર-19 એશિયા કપ 2025ની ફાઈનલ મેચ દુબઈના ICC એકેડેમી ગ્રાઉન્ડ પર રમાઈ હતી, જેમાં ભારત અંડર-19 ટીમનો સામનો પાકિસ્તાન સાથે થયો. ટોસ જીતીને બોલિંગ કરવાનો નિર્ણય લીધો હતો, પરંતુ પાકિસ્તાનએ 50 ઓવરમાં 8 વિકેટ ગુમાવી 347 રન બનાવ્યા. ભારત આ ટાર્ગેટનો પીછો ન કરી શક્યું અને માત્ર 156 રનમાં ઓલઆઉટ થયું, જેનાથી પાકિસ્તાન એશિયન ચેમ્પિયન બન્યું.
પાકિસ્તાનની બોલિંગ અને બેટિંગની જબરદસ્ત કામગીરી
પાકિસ્તાનના ઓપનર સમીર મિન્હાસે 113 બોલમાં 172 રન બનાવ્યા, જેમાં 17 ચોગ્ગા અને 9 છગ્ગા શામેલ હતા. હમઝા ઝહૂરે 18 રન, ઉસ્માન ખાન 35 રન, અને અહેમદ હુસૈને 56 રન બનાવ્યા. અન્ય બેટ્સમેનો મોટો પ્રદર્શન ન કરી શક્યો છતાં ટીમે ટોટલ 347 રન હાંસલ કર્યા. ભારત તરફથી દીપેશ દેવેન્દ્રને 3 વિકેટ મળી, હેનિલ પટેલ અને ખિલાન પટેલે 2-2 વિકેટ લીધી.
ભારતનો બેટિંગ ફટકો
ટાર્ગેટ ચેઝ કરવા ઉતરેલી ભારત અંડર-19 ટીમના બેટ્સમેનો નિષ્ફળ રહ્યા. વૈભવ સૂર્યવંશી 26 રન કરીને આઉટ થયો, કેપ્ટન આયુષ માત્ર 2 રન બનાવી શક્યો. એરોન જ્યોર્જ 16 રન, વિહાન મલ્હોત્રા, વેદાંત ત્રિવેદી અને અભિજ્ઞાન કુંડુ પણ નિષ્ફળ રહ્યા. ભારત આખરે 156 રનમાં ઓલઆઉટ થયું અને 191 રનથી હારી ગયું. પાકિસ્તાન તરફથી અલી રાજાએ 4 વિકેટ લીધી, મોહમ્મદ સૈયમ અને હુઝૈફા એહસાને 2-2 વિકેટ, અબ્દુલ સુભાને પણ 2 વિકેટ લીધી.
લીગ સ્ટેજમાં ભારત જીત્યું હતું
ભારત ટીમે ટુર્નામેન્ટના લીગ સ્ટેજમાં પાકિસ્તાનને 90 રનથી હરાવ્યું હતું, પરંતુ ફાઈનલનો દબાણ યુવા ખેલાડીઓ પર ભારે પડ્યો અને ભારતને હારનો સામનો કરવો પડ્યો. આ હાર સાથે ભારતીય ટીમનો ટુર્નામેન્ટમાં વિજય ક્રમ અટકી ગયો છે.+
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
