ઈરાન-ભારત વચ્ચે મહત્વપૂર્ણ કૂટનીતિક ચર્ચા: હોર્મુઝ સ્ટ્રેટ મુદ્દે અરાઘચી-જયશંકર વચ્ચે વાતચીત

ઈરાન અને ભારત વચ્ચે કૂટનીતિક સ્તરે મહત્વપૂર્ણ સંપર્ક થયો છે. ઈરાનના વિદેશ મંત્રી અબ્બાસ અરાઘચી અને ભારતના વિદેશ મંત્રી એસ. જયશંકર વચ્ચે બુધવારે સાંજે ટેલિફોનિક ચર્ચા થઈ હતી.

હોર્મુઝ સ્ટ્રેટ મુદ્દે વિશેષ ચર્ચા
ચર્ચામાં ખાસ કરીને સ્ટ્રેટ ઓફ હોર્મુઝ મુદ્દે વિચારવિમર્શ કરવામાં આવ્યો હતો. આ દરિયાઈ માર્ગ વૈશ્વિક ઊર્જા સપ્લાય અને આંતરરાષ્ટ્રીય વેપાર માટે અત્યંત મહત્વપૂર્ણ માનવામાં આવે છે.

આંતરરાષ્ટ્રીય અને પ્રાદેશિક મુદ્દાઓ પર ધ્યાન
મળતી માહિતી મુજબ બંને નેતાઓએ સીઝફાયર સંબંધિત તાજેતરના વિકાસ, દ્વિપક્ષીય સંબંધો તેમજ પ્રાદેશિક અને વૈશ્વિક પરિસ્થિતિઓ પર ચર્ચા કરી હતી. ઈરાનના વિદેશ મંત્રાલયના નિવેદન મુજબ, બંને દેશોએ હાલની પરિસ્થિતિના વિવિધ પાસાઓ પર ચર્ચા કરીને ભવિષ્યમાં સતત સંપર્કમાં રહેવા સહમતિ દર્શાવી છે.

જયશંકરે સોશિયલ મીડિયા પર આપી માહિતી
વિદેશ મંત્રી એસ. જયશંકરએ સોશિયલ મીડિયા પર આ વાતચીતની પુષ્ટિ કરતા જણાવ્યું કે તેઓએ ઈરાનના સમકક્ષ સાથે વર્તમાન પરિસ્થિતિ અંગે વિસ્તૃત ચર્ચા કરી અને સંપર્ક જાળવી રાખવા સહમત થયા.

વૈશ્વિક સ્તરે મહત્વપૂર્ણ સંવાદ
વિશ્લેષકોના મત મુજબ ઈરાન અને ભારત વચ્ચેની આ ચર્ચા વૈશ્વિક કૂટનીતિ માટે મહત્વપૂર્ણ છે. ખાસ કરીને હોર્મુઝ સ્ટ્રેટમાં સ્થિરતા ભારતની ઊર્જા સુરક્ષા અને આર્થિક હિતોને ધ્યાનમાં રાખીને અત્યંત જરૂરી છે. આ સંવાદ દર્શાવે છે કે પ્રાદેશિક શાંતિ જાળવવામાં ભારતની ભૂમિકા સતત મજબૂત બની રહી છે.