રાજ્યમાં આગામી 6 દિવસ ભારેથી અતિભારે વરસાદની આગાહી, 15થી વધુ જિલ્લામાં એલર્ટ

રાજ્યમાં ચોમાસાએ જોરદાર પકડ બનાવી છે. ખાસ કરીને સૌરાષ્ટ્ર અને દક્ષિણ ગુજરાતના અનેક વિસ્તારોમાં ધોધમાર વરસાદ વરસી રહ્યો છે. આ વચ્ચે ભારતીય હવામાન વિભાગ (IMD)એ આગામી 6 દિવસ સુધી રાજ્યના વિવિધ જિલ્લાઓમાં ભારેથી અતિભારે વરસાદની આગાહી કરી છે. સાથે જ 7 જુલાઈ સુધી ગાજવીજ, તેજ પવન અને ભારે વરસાદને લઈને વિવિધ જિલ્લાઓ માટે રેડ, ઓરેન્જ અને યલો એલર્ટ જાહેર કરવામાં આવ્યા છે.

2 જુલાઈ: દક્ષિણ ગુજરાતમાં રેડ એલર્ટ
– 2 જુલાઈના રોજ સુરત, નવસારી, ડાંગ અને વલસાડ જિલ્લામાં અતિભારે વરસાદની સંભાવનાને પગલે રેડ એલર્ટ જાહેર કરવામાં આવ્યું છે.
– ઓરેન્જ એલર્ટ હેઠળ અમરેલી, ભાવનગર, ભરૂચ, નર્મદા અને તાપી જિલ્લાઓનો સમાવેશ થાય છે.
– જ્યારે જૂનાગઢ, ગીર સોમનાથ, બોટાદ, રાજકોટ, વડોદરા અને છોટા ઉદેપુર જિલ્લામાં યલો એલર્ટ જાહેર કરવામાં આવ્યું છે.

3 જુલાઈ: તાપી-ડાંગ સહિત ચાર જિલ્લામાં રેડ એલર્ટ
– 3 જુલાઈએ તાપી, ડાંગ, નવસારી અને વલસાડ જિલ્લામાં રેડ એલર્ટ રહેશે.
– અમરેલી, ભાવનગર, ભરૂચ, નર્મદા અને સુરત જિલ્લામાં ઓરેન્જ એલર્ટ જાહેર કરવામાં આવ્યું છે.
– રાજકોટ, જૂનાગઢ, પોરબંદર, ગીર સોમનાથ, આણંદ, વડોદરા, પંચમહાલ, દાહોદ અને છોટા ઉદેપુર જિલ્લામાં યલો એલર્ટ રહેશે.

4 જુલાઈ: ત્રણ જિલ્લામાં રેડ એલર્ટ
– 4 જુલાઈના રોજ તાપી, ડાંગ અને નર્મદા જિલ્લામાં રેડ એલર્ટ જાહેર કરવામાં આવ્યું છે.
– અમરેલી, ભાવનગર, ભરૂચ, સુરત, નવસારી, છોટા ઉદેપુર અને વલસાડ જિલ્લામાં ઓરેન્જ એલર્ટ રહેશે.
– જૂનાગઢ, ગીર સોમનાથ, આણંદ, વડોદરા, પંચમહાલ અને દાહોદ જિલ્લામાં યલો એલર્ટ જાહેર કરવામાં આવ્યું છે.

સાવચેતી રાખવાની અપીલ
હવામાન વિભાગે ભારે વરસાદ, ગાજવીજ અને તેજ પવનને ધ્યાનમાં રાખીને નાગરિકોને જરૂરી સાવચેતી રાખવાની અપીલ કરી છે. નીચાણવાળા વિસ્તારોમાં પાણી ભરાવાની શક્યતા હોવાથી બિનજરૂરી મુસાફરી ટાળવા, નદી-નાળા અને દરિયાકાંઠાના વિસ્તારોમાં ન જવા તેમજ સ્થાનિક તંત્રની સૂચનાઓનું પાલન કરવા અનુરોધ કરવામાં આવ્યો છે.