Bindia
ગુજરાતમાં કોડીનયુક્ત Medicine ઓના ગેરકાયદે વેચાણ સામે તંત્રની લાલ આંખ, રાજ્યવ્યાપી સ્પેશ્યલ ડ્રાઇવ
ગુજરાતમાં કોડીન ઘટક ધરાવતી Medicineઓના ગેરકાયદેસર ઉપયોગ, અનધિકૃત સંગ્રહ અને વેચાણ સામે રાજ્ય સરકારના આરોગ્ય વિભાગે કડક કાર્યવાહી શરૂ કરી છે. આરોગ્ય મંત્રી શ્રી પ્રફુલ પાનશેરીયાની સૂચનાથી ખોરાક અને ઔષધ નિયમન તંત્ર દ્વારા રાજ્યવ્યાપી વિશેષ ઝુંબેશ હાથ ધરવામાં આવી છે. આ કાર્યવાહી દરમિયાન અમદાવાદ ગ્રામ્ય, અમદાવાદ-1 અને મહેસાણા સહિતના વિસ્તારોમાં દવાના હોલસેલ અને રિટેલ વેપારીઓની સઘન તપાસ કરવામાં આવી હતી.
તા. 1 સપ્ટેમ્બર, 2026થી શરૂ કરાયેલી આ સ્પેશ્યલ ડ્રાઇવમાં અત્યાર સુધીમાં રૂ. 83 લાખથી વધુ કિંમતનો કોડીનયુક્ત Medicineઓનો જથ્થો વેચાણ અને ઉપયોગ માટે પ્રતિબંધિત કરવામાં આવ્યો છે. ઉપરાંત વિવિધ સાત પેઢીઓને કારણદર્શક નોટિસ પાઠવવામાં આવી છે, જ્યારે એક પેઢીનો Medicine વેચાણનો પરવાનો કાયમી ધોરણે રદ કરવામાં આવ્યો છે.
->Medicine બાલાજી ફાર્મામાંથી રૂ. 83 લાખથી વધુનો જથ્થો પ્રતિબંધિત
અમદાવાદ ગ્રામ્ય-ગાંધીનગર વિસ્તારમાં આવેલી બાલાજી ફાર્માની તપાસ દરમિયાન કોડીન ઘટક ધરાવતી Rexton-T Syrupની કુલ 37,762 બોટલ મળી આવી હતી. પ્રતિ બોટલ રૂ. 220ના MRP મુજબ આ જથ્થાની અંદાજિત કિંમત રૂ. 83,07,640 થાય છે.
તંત્ર દ્વારા આ સમગ્ર જથ્થાને વધુ વેચાણ કે ઉપયોગ ન થાય તે માટે પ્રતિબંધિત કરવામાં આવ્યો છે. ઉપરાંત દવાની ગુણવત્તા અને અન્ય જરૂરી તપાસ માટે Rexton-T Syrupના નમૂના પણ લેવામાં આવ્યા છે. ખરીદ-વેચાણના રેકોર્ડની ચકાસણી દરમિયાન પેઢી દ્વારા મુખ્યત્વે કોડીન ઘટક ધરાવતી દવાઓનો વેપાર કરવામાં આવતો હોવાનું સામે આવ્યું હોવાનું તંત્રએ જણાવ્યું છે. તપાસમાં જણાયેલી ક્ષતિઓને લઈને પેઢીને કારણદર્શક નોટિસ પાઠવી ખુલાસો માંગવામાં આવ્યો છે.
->Medicine હેલ્થ પોઇન્ટ ફાર્માનો પરવાનો રદ
કલોલ ખાતે આવેલી હેલ્થ પોઇન્ટ ફાર્મામાં 31 ઓગસ્ટ, 2026ના રોજ તપાસ હાથ ધરવામાં આવી હતી. તપાસ દરમિયાન કેટલીક ક્ષતિઓ સામે આવતા પેઢીને કારણદર્શક નોટિસ પાઠવવામાં આવી હતી. જોકે પેઢી દ્વારા આપવામાં આવેલ ખુલાસો સંતોષકારક ન જણાતા Medicine વેચાણનો પરવાનો રદ કરવાનો નિર્ણય લેવામાં આવ્યો છે.
->અન્ય પેઢીઓ પણ તંત્રના રડાર પર
રાજ્યવ્યાપી ઝુંબેશ દરમિયાન ફાર્માલિન લાઇફસાયન્સિસ, રેઇન રેમેડીઝ, કેપિટલ ફાર્મા, HRDM ગ્લોબલ સોલ્યુશન્સ અને કૃષ્ણા ફાર્મા સહિતની પેઢીઓની પણ તપાસ કરવામાં આવી રહી છે. ખરીદ-વેચાણના બિલ, સ્ટોક રજિસ્ટર અને અન્ય સંબંધિત દસ્તાવેજોની સઘન ચકાસણી હાથ ધરવામાં આવી છે.
મહેસાણાના વિસનગર ખાતે આવેલી કેપિટલ ફાર્મામાં તપાસ દરમિયાન મુખ્યત્વે કોડીન ઘટક ધરાવતી દવાઓનો વેપાર થતો હોવાનું જણાયું હતું. પેઢીના દસ્તાવેજો અને બિલોની ચકાસણી બાદ ક્ષતિઓને લઈને કારણદર્શક નોટિસ પાઠવવામાં આવી છે.
->જય અંબે ડિસ્ટ્રિબ્યુટર્સમાંથી પણ શંકાસ્પદ જથ્થો મળ્યો
અમદાવાદ-1 વિસ્તારમાં આવેલી જય અંબે ડિસ્ટ્રિબ્યુટર્સની તપાસ દરમિયાન કોડીન ઘટક ધરાવતી R Tuss TD Syrupની 57 બોટલ મળી આવી હતી. પ્રતિ બોટલ રૂ. 158ના MRP મુજબ આ જથ્થાની કિંમત રૂ. 9,006 થાય છે.
આ જથ્થાને પણ વધુ ઉપયોગ અથવા વેચાણ ન થાય તે માટે પ્રતિબંધિત કરવામાં આવ્યો છે. ખરીદ-વેચાણની વિગતોની તપાસ દરમિયાન પેઢી દ્વારા મુખ્યત્વે કોડીન ઘટક ધરાવતી દવાઓનો વેપાર કરવામાં આવતો હોવાનું સામે આવતા તંત્ર દ્વારા કારણદર્શક નોટિસ પાઠવવામાં આવી છે.
->ઝીરો ટોલરન્સની નીતિ સાથે કાર્યવાહી
આરોગ્ય મંત્રી શ્રી પ્રફુલ પાનશેરીયાએ સ્પષ્ટ કર્યું છે કે કોડીન ઘટક ધરાવતી દવાઓના ગેરકાયદેસર સંગ્રહ, અનધિકૃત વેચાણ અને ગેરઉપયોગ સામે રાજ્ય સરકાર ઝીરો ટોલરન્સની નીતિ અપનાવી રહી છે. નિયમોનું ઉલ્લંઘન કરનાર કોઈપણ વ્યક્તિ કે પેઢી સામે કાયદા મુજબ કડક કાર્યવાહી કરવામાં આવશે.
મુખ્યમંત્રી શ્રી ભૂપેન્દ્રભાઈ પટેલના માર્ગદર્શન હેઠળ જનતાના આરોગ્યના હિતમાં આવી દવાઓનો ઉપયોગ માત્ર માન્ય તબીબી પ્રિસ્ક્રિપ્શન અને કાયદેસર પ્રક્રિયા દ્વારા જ થાય તે સુનિશ્ચિત કરવા માટે રાજ્યભરમાં તપાસ અને દેખરેખની કામગીરી સતત ચાલુ રાખવામાં આવશે.
->સાત પેઢીઓને નોટિસ, તપાસ હજુ ચાલુ
આ સમગ્ર કાર્યવાહી અંતર્ગત કુલ સાત પેઢીઓને કારણદર્શક નોટિસ પાઠવવામાં આવી છે અને તેમની સામે નિયમ મુજબ આનુષંગિક કાર્યવાહી હાથ ધરવામાં આવશે. એક પેઢીનો દવા વેચાણનો પરવાનો કાયમી ધોરણે રદ કરવામાં આવ્યો છે.
ખોરાક અને ઔષધ નિયમન તંત્ર દ્વારા સ્પષ્ટ કરવામાં આવ્યું છે કે વિવિધ પેઢીઓના કોડીનયુક્ત દવાઓના ખરીદ-વેચાણના રેકોર્ડ, બિલો અને અન્ય દસ્તાવેજોની તપાસ હજુ ચાલુ છે. આગામી દિવસોમાં તપાસના આધારે વધુ કાર્યવાહી થવાની શક્યતા છે.આ રાજ્યવ્યાપી સ્પેશ્યલ ડ્રાઇવથી સ્પષ્ટ થાય છે કે કોડીનયુક્ત Medicineઓના અનધિકૃત વેપાર અને ગેરઉપયોગને રોકવા માટે ગુજરાત સરકાર હવે વધુ સખત વલણ અપનાવી રહી છે. જન આરોગ્યને ધ્યાનમાં રાખીને આવી Medicineઓનું વેચાણ માત્ર કાયદેસર અને તબીબી નિયમોના પાલન સાથે જ થાય તે માટે તંત્ર સતત સતર્ક રહેશે.
- us on WHATSAPP :- https://whatsapp.com/channel/0029Va4r…
- WEBSITE : https://bindia.co/
- INSTAFollow GRAM : https:// bindia.in
- FACEBOOK : https://www.facebook.com/buletinindialive
- X : https://x.com/bindia276
