Bindia
ગુગલ આગામી 5 વર્ષમાં ભારતમાં 15 બિલિયન ડોલર ( 1.25 લાખ કરોડ રૂપિયા)નું રોકાણ કરશે. કંપનીનું આ રોકાણ દેશનું પહેલું મોટું AI હબ બનાવવાનો ભાગ હશે. આ મહત્વપૂર્ણ જાહેરાત ગુગલના સીઈઓ સુંદર પિચાઈ અને ડિપમાઈન્ડના CEO ડેમિસ હાસાબિસ દ્વારા કરવામાં આવી.
વિશાખાપટ્ટનમમાં મેગા AI ડેટા સેન્ટર
આ રોકાણનો મુખ્ય ભાગ આંધ્રપ્રદેશના વિશાખાપટ્ટનમમાં બનનાર મેગા AI ડેટા સેન્ટર છે. આ ડેટા સેન્ટર માત્ર બિલ્ડિંગ નહીં, પણ AI મોડલ ટ્રેનિંગ, ક્લાઉડ સર્વિસ અને હાઈ-પાવર કોમ્પ્યુટિંગ માટેનું કેન્દ્ર બનશે. અહીંથી ભારત અને આસપાસના દેશોના AI સર્વિસઝ માટે તાકાત મળશે.
ઝડપી ઈન્ટરનેટ માટે નવા અંડરસી કેબલ
ગુગલ ભારતમાં સીધું કનેક્શન વધારવા માટે નવી અંડરસી ઈન્ટરનેટ કેબલ નાખી રહ્યું છે. આ કેબલ સિંગાપુર, સાઉથ આફ્રિકા અને ઓસ્ટ્રેલિયા સાથે જોડાશે, જેનાથી એશિયા, આફ્રિકા અને સાઉથ અમેરિકા માટે AI સર્વિસઝ ઝડપી અને લોકલ બનશે. હવે ડેટા દૂરના સર્વર સુધી જવા બગાડશે નહીં.
ભારત બનશે AI ઈન્ફ્રા હબ
કંપનીનો દાવો છે કે 100 મિલિયનથી વધુ લોકોને AI ટ્રેનિંગ આપવામાં આવશે. આથી AIનો ઉપયોગ માત્ર મોટા શહેરોમાં નહીં, પરંતુ નાના શહેરોમાં પણ વ્યાપક થશે. આ રોકાણ સાથે, ભારત માત્ર AI યુઝર નહીં, પરંતુ વિશ્વના AI ઈન્ફ્રાસ્ટ્રક્ચર હબ બની શકે છે.
સ્ટાર્ટઅપ્સ અને ડેવલપર્સ માટે મોટી તક
સ્થાનિક સ્તરે હાઈ-પાવર કોમ્પ્યુટિંગ ઉપલબ્ધ થવાથી ભારતીય સ્ટાર્ટઅપ્સ અને ડેવલપર્સને વિદેશી સર્વર પર નિર્ભર રહેવાની જરૂર નહીં પડશે. ખર્ચ ઓછો થશે, સ્પીડ વધારે હશે અને સ્થાનિક ઈનોવેશનને પ્રોત્સાહન મળશે. સરકાર પહેલેથી જ ડેટા સેન્ટર અને ડિજિટલ ઈન્ફ્રાને મજબૂત બનાવી રહી છે. હવે ગુગલ જેવા ગ્લોબલ પ્લેયરનો સમાવેશ સાથે, ભારતનું AI ઈકોસિસ્ટમ વધુ મજબૂત અને વિશ્વ સ્તરનું બનશે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
