Bindia
ભારત અને અમેરિકા વચ્ચેના વેપાર કરાર બાદ, વિદેશી પોર્ટફોલિયો રોકાણકારો (FPIs) એ ફેબ્રુઆરીમાં અત્યાર સુધીમાં ભારતીય શેરબજારમાં કુલ રૂ. 19,675 કરોડનું રોકાણ કર્યું છે. ડિપોઝિટરી ડેટા અનુસાર, આ FPI રોકાણ સતત ત્રણ મહિનાની ભારે વેચવાલી પછી આવ્યું છે. FPIs એ જાન્યુઆરીમાં રૂ. 35,962 કરોડ, ડિસેમ્બરમાં રૂ. 22,611 કરોડ અને નવેમ્બરમાં રૂ. 3765 કરોડના શેર વેચીને ભારતીય શેરબજારમાંથી નાણાં ઉપાડ્યા હતા. એકંદરે, FPIs એ 2025માં ભારતીય શેરબજારમાંથી રૂ. 1.66 લાખ કરોડ તથા $19.8 અબજનો ચોખ્ખો ઉપાડ કર્યો હતો.
2025નું વર્ષ FPI પ્રવાહ માટે સૌથી ખરાબ વર્ષોમાંનું એક રહ્યું છે. માહિતી અનુસાર, FPIs એ આ મહિને (13 ફેબ્રુઆરી સુધીમાં) ભારતીય શેરબજારમાં લિસ્ટેડ કંપનીઓમાં ₹19,675 કરોડનું રોકાણ કર્યું છે. મોર્નિંગસ્ટાર ઇન્વેસ્ટમેન્ટ રિસર્ચ ઇન્ડિયાના ચીફ મેનેજર (રિસર્ચ) હિમાંશુ શ્રીવાસ્તવે જણાવ્યું હતું કે વૈશ્વિક મેક્રો ચિંતાઓ, ખાસ કરીને નરમ યુએસ ફુગાવાના ડેટાને કારણે તાજેતરની ખરીદીને ટેકો મળ્યો છે. આનાથી ભારત સહિત ઉભરતા બજારોમાં FPIs ની જોખમ લેવાની ક્ષમતામાં સુધારો થયો છે.
ફેબ્રુઆરીમાં રૂ. 1374 કરોડનું ચોખ્ખું વેચાણ
આ વર્ષે ફેબ્રુઆરીમાં પ્રથમ 11 ટ્રેડિંગ સત્રોમાંથી સાતમાં વિદેશી પોર્ટફોલિયો રોકાણકારો ચોખ્ખા ખરીદદાર હતા અને ચારમાં ચોખ્ખા વેચાણકર્તા હતા. આમ છતાં, ડેટા દર્શાવે છે કે FPIs એ આ મહિને ₹1374 કરોડના શેરનું ચોખ્ખું વેચાણ કર્યું છે. કારણ કે 13 ફેબ્રુઆરીએ નિફ્ટીમાં 336 -પોઇન્ટના ઘટાડા દરમિયાન તેમણે ₹7395 કરોડના શેર વેચ્યા હતા. આ અઠવાડિયે “એન્થ્રોપિક શોક”ને કારણે IT શેરોમાં ભારે વેચવાલી જોવા મળી.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
