અલાસ્કાના આકાશમાં એકસાથે દેખાયા ચાર સૂર્ય, વાયરલ વીડિયોએ લોકોમાં ઉત્સુકતા જગાવી

સામાન્ય રીતે આકાશમાં એક જ સૂર્ય જોવા મળતો હોય છે, પરંતુ અમેરિકાના અલાસ્કા રાજ્યમાં એક અદ્ભૂત કુદરતી દ્રશ્ય જોવા મળ્યું છે. અહીં સૂર્યાસ્ત સમયે લોકો ત્યારે આશ્ચર્યચકિત થઈ ગયા, જ્યારે તેમને આકાશમાં એક સાથે ચાર સૂર્ય લાઇનમાં દેખાયા. આ અદભૂત નજારો સોશિયલ મીડિયા પર વાયરલ થતાં દુનિયાભરના લોકો ચકિત થઈ ગયા છે.

વાયરલ વીડિયોમાં જોવા મળે છે કે કેસરી રંગના આકાશમાં ક્ષિતિજને સમાંતર ચાર તેજસ્વી સૂર્ય જેવા પ્રકાશ બિંદુઓ ઝળહળતા નજરે પડે છે. ઘણા નેટીઝન્સે આ દ્રશ્યને કોઈ સાયન્સ-ફિક્શન ફિલ્મનો સીન ગણાવ્યો છે.

શું છે ‘ચાર સૂર્ય’ પાછળનું વિજ્ઞાન?
વિજ્ઞાનીઓ આ ઘટનાને ‘ક્વાડ્રુપલ પારહેલિયન’ (Quadruple Parhelion) અથવા ‘કોમ્પ્લેક્સ સનડોગ’ કહે છે. આ કોઈ અલૌકિક ઘટના નથી, પરંતુ પ્રકાશના વક્રીભવન (Refraction)ને કારણે થતી કુદરતી પ્રક્રિયા છે. જ્યારે વાતાવરણના ઊંચા સ્તરે આવેલા વાદળોમાં ષટ્કોણીય બરફના સ્ફટિકો (Hexagonal Ice Crystals) હોય છે, ત્યારે સૂર્યપ્રકાશ તેમાંથી પસાર થતી વખતે વળાંક લે છે. પરિણામે અસલી સૂર્યની બાજુમાં તેના જેવા જ આભાસી સૂર્ય દેખાય છે.

દુર્લભ ઘટના, ઠંડા પ્રદેશોમાં જ શક્ય
આવી ‘સનડોગ’ ઘટના ઠંડા પ્રદેશોમાં ક્યારેક જોવા મળે છે, પરંતુ એકસાથે ચાર સૂર્ય દેખાવા અત્યંત દુર્લભ માનવામાં આવે છે. અલાસ્કાના રહેવાસીઓએ આ યાદગાર ક્ષણને પોતાના કેમેરામાં કેદ કરી હતી.

સોશિયલ મીડિયા પર પ્રતિક્રિયાઓ
સોશિયલ મીડિયા પ્લેટફોર્મ X (પૂર્વે ટ્વિટર) પર યુઝર્સે લખ્યું, “આ નજારો જોઈને આંખો પર વિશ્વાસ નથી આવતો,” તો કોઈએ કહ્યું, “કુદરતની સુંદરતાની કોઈ સીમા નથી.” વિજ્ઞાનીઓનું કહેવું છે કે જ્યારે અત્યંત ઠંડું વાતાવરણ અને બરફના કણોની ચોક્કસ ગોઠવણી થાય, ત્યારે જ આવી અદભૂત દ્રશ્ય ભ્રમણા સર્જાય છે.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in