ડિસ્ટર્બિંગ ટીઝર અને ટોક્સિક’સિનેમેટિક ભાષાનો વધતો ટ્રેન્ડ,સિનેમાનો નવો ચહેરો?

“ટોક્સિક ટીઝર” સાઉથ સુપર સ્ટાર યશના ચાહકોની આતુરતાનો આખરે અંત આવ્યો છે. જ્યારથી રોકિંગ સ્ટાર યશે તેની KGFફિલ્મમાં પોતાના અભિનયથી લોકોનું મનજીતી લીધુ છે. ત્યારથી દર્શકોને તેની આગામી ફિલ્મની આતુરતાથી રાહ જોઈ રહ્યાં છે. તાજેતરમાં જ તેની આગામી ફિલ્મ‘ટોક્સિક’નું ટીઝર રિલીઝ થયું છે. ત્યારે અભિનેતા યશના જન્મદિવસે તેના “ટોક્સિક” ના ટીઝરમાં તેનો ધમાકેદાર ફર્સ્ટ લુક જાહેર કરવામાં આવ્યો છે.વहीं બીજી તરફ ફિલ્મનો ટીઝર હવે ગંભીર વિવાદોમાં ફસાતો નજરે પડી રહ્યો છે.

હાલમાં ફિલ્મના ટીજર સામે એક કાનૂની ફરિયાદ નોંધાવવામાં આવી છે. આ ફરિયાદમાં ટીજર પર અશ્લીલતા ફેલાવવાનો, સામાજિક મૂલ્યોને ઠેસ પહોંચાડવાનો અને નાબાલિગો પર ખોટી અસર થવાની શક્યતા જેવા ગંભીર આરોપો લગાવવામાં આવ્યા છે. ફરિયાદ બાદ ફિલ્મ અને તેના નિર્માતાઓ માટે મુશ્કેલીઓ વધતી હોવાનું દેખાઈ રહ્યું છે.

વિવાદોમાં ફસાયેલો ટીજર

હકીકતમાં, યશએ 9 જાન્યુઆરીએ પોતાના જન્મદિવસના અવસર પર ફેન્સને ભેટ તરીકે ફિલ્મટોક્સિક’નો ટીજર રિલીઝ કર્યો હતો. ટીજર રિલીઝ થતાની સાથે જ તે સોશિયલ મીડિયા પર વાયરલ થઈ ગયો અને થોડા જ કલાકોમાં લાખો વખત જોવામાં આવ્યો. જોકે, ટીજરમાં દર્શાવાયેલા એક બોલ્ડ અને ઇન્ટીમેટ દ્રશ્યને લઈને વિવાદ ઊભો થયો છે. આ દ્રશ્યમાં અભિનેત્રી સાશા ગ્રે જોવા મળે છે, જેને લઈને અનેક સંગઠનો અને સામાજિક કાર્યકર્તાઓએ પોતાની આપત્તિ વ્યક્ત કરી છે.

છેલ્લાં થોડાં વર્ષોમાં ફિલ્મોના ટીઝર અને ટ્રેલર રજૂ કરવાની શૈલીમાં મોટો ફેરફાર જોવા મળી રહ્યો છે. પહેલા જ્યાં કહાનીની ઝલક, ગીત-સંગીત અને હીરોની સ્ટાઇલ પર ભાર રહેતો, ત્યાં હવે ડિસ્ટર્બિંગ વિઝ્યુઅલ્સ, ઘેરા ડાયલોગ્સ અને અતિશય આક્રમક સિનેમેટિક ભાષા મુખ્ય આકર્ષણ બની ગઈ છે.
આ ટ્રેન્ડમાં ખાસ કરીને‘ધુરંધર’અને‘ટોક્સિક’ભાષાનો ઉપયોગ વધ્યો છે—જેમાં શક્તિ પ્રદર્શન, અંધકારમય પાત્રો, માનસિક દબાણ અને હિંસક ભાવનાઓને સ્ટાઇલ તરીકે રજૂ કરવામાં આવે છે.

શા માટે વધી રહ્યો છે આ ટ્રેન્ડ?

ડિજિટલ પ્લેટફોર્મ અને સોશિયલ મીડિયાના યુગમાં દર્શકોનું ધ્યાન ખેંચવું સૌથી મોટો પડકાર છે.
શોક વેલ્યૂ (ShockValue)બનાવવા માટે ડિસ્ટર્બિંગ દૃશ્યોનો સહારો લેવાય છે.
થોડા સેકન્ડમાં ચર્ચા ઊભી થાય એ માટે તીવ્ર ભાષા અને અતિશય પ્રસ્તુતિ.
‘ડાર્ક’અને ‘રૉ’સિનેમા હવે એક માર્કેટિંગ ટૂલ બની ગયું છે.

ટોક્સિક સિનેમેટિક ભાષાનો અર્થ શું?

આવી ભાષામાં ઘણી વખત,હિંસાને ગ્લોરિફાય કરવામાં આવે છે.
શક્તિશાળી પાત્રને “ડરાવનારા” રૂપે આદર્શ બનાવવામાં આવે છે.
માનવીય લાગણીઓ કરતા આક્રમકતા વધુ દેખાડવામાં આવે છે.
પરિણામે, કન્ટેન્ટ વધુ ચર્ચાસ્પદ તો બને છે, પરંતુ સમાજ પર તેની અસર અંગે પ્રશ્નો ઊભા થાય છે.

યુવા દર્શકો પર અસર

ટીઝર માત્ર પ્રચારનું સાધન નથી, પરંતુ તે ફિલ્મનો મિજાજ નક્કી કરે છે. વારંવાર આવું કન્ટેન્ટ જોવાથી
સંવેદનશીલતા ઘટી શકે છે.
આક્રમક વર્તન સામાન્ય લાગે.
રિયલ લાઈફ અને રીલ લાઈફ વચ્ચેની રેખા ધૂંધળી થઈ શકે.

શું આ સિનેમાનો વિકાસ છે?

સિનેમાનો વિકાસ માત્ર ટેકનિકલ કે વિઝ્યુઅલ લેવલ પર નથી થતો, પરંતુ વિચાર અને જવાબદારી સાથે પણ જોડાયેલો હોવો જોઈએ. અંધકારમય કહાનીઓ કહેવી ખોટી નથી, પરંતુ તેને રજૂ કરવાની ભાષા સંતુલિત હોવી જરૂરી છે.

નિષ્કર્ષ

ડિસ્ટર્બિંગ ટીઝર અને ટોક્સિક સિનેમેટિક ભાષાનો ટ્રેન્ડ તાત્કાલિક લોકપ્રિયતા તો અપાવે છે, પરંતુ લાંબા ગાળે તે સિનેમાની સંવેદનશીલતા અને સામાજિક જવાબદારી પર પ્રશ્ન ઊભા કરે છે.
હવે સમય છે કે ફિલ્મમેકર્સ શોક કરતાં સ્ટોરી પર અને હિંસા કરતાં વિચાર પર વધુ ભાર મૂકે.

 

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in