Bindia
ગ્લોબલ ટીચર પ્રાઇઝ 2026 જીતનાર રૂબલ નાગી બની ગ્લોબલ સેન્સેશન આ દિવસોમાં ભારતની મહિલા શિક્ષિકા રૂબલ નાગી સતત ચર્ચામાં છે. પોતાના અનોખા શિક્ષણ કાર્ય અને સમર્પણના બળ પર તેમણે દુનિયાભરના શિક્ષકોને પાછળ છોડી ગ્લોબલ ટીચર પ્રાઇઝ 2026 જીત્યો છે અને ભારતનું નામ વૈશ્વિક સ્તરે ઉજાગર કર્યું છે. દુબઈમાં આયોજિત એક આંતરરાષ્ટ્રીય સમ્મેલનમાં રૂબલ નાગીને 10 લાખ ડોલર (લગભગ 9 કરોડ રૂપિયા) ની પ્રાઇઝ મની સાથે આ પ્રતિષ્ઠિત પુરસ્કારથી સન્માનિત કરવામાં આવ્યા હતા. વંચિત અને ગરીબ બાળકોને અલગ અને સર્જનાત્મક રીતે શિક્ષણ આપીને તેઓ ગ્લોબલ સેન્સેશન બની ગયા છે.
પોતાની પ્રેરણાદાયક સફર વિશે રૂબલ નાગીએ કહ્યું કે, “મારી આ યાત્રાની શરૂઆત આજથી 27 વર્ષ પહેલા થઈ હતી, જ્યારે એક આર્ટ વર્કશોપ દરમિયાન મારી મુલાકાત એવા બાળક સાથે થઈ હતી, જેણે પોતાના જીવનમાં ક્યારેય પેન્સિલ પણ જોઈ નહોતી.”
પ્રાઇઝ મની વિશે વાત કરતાં રૂબલ નાગીએ જણાવ્યું કે, તેઓ આ રકમથી એક નવા સંસ્થાનની શરૂઆત કરશે, જ્યાં એવા બાળકોને શિક્ષણ આપવામાં આવશે જેમણે આજ સુધી સ્કૂલનો ચહેરો પણ જોયો નથી.પુરસ્કાર જીત્યા બાદ રૂબલ નાગીને કાશ્મીરના તંગધાર જિલ્લાના કરનાહ ગામ (LOC નજીક) થી એક ભાવુક કરી દેનારો વીડિયો મળ્યો હતો. આ વીડિયોમાં તેમના કમ્પ્યુટર સેન્ટરમાં અભ્યાસ કરતો એક બાળક તેમને અભિનંદન પાઠવતો જોવા મળે છે, જેને જોઈ રૂબલ નાગી ખૂબ જ ભાવુક બની ગયા હતા.
ઉલ્લેખનીય છે કે દુબઈમાં આયોજિત આ કાર્યક્રમમાં દર વર્ષે દુનિયાભરના લીડર્સ અને એક્સપર્ટ્સ હાજરી આપે છે, જ્યાં રૂબલ નાગીએ ભારતનું પ્રતિનિધિત્વ કર્યું હતું.રૂબલ નાગીએ લગભગ 24 વર્ષ પહેલા માત્ર 30 બાળકો સાથે એક નાની વર્કશોપથી પોતાની પહેલ શરૂ કરી હતી. આજે તેઓ દેશભરમાં 800થી વધુ ટ્રેનિંગ સેન્ટર્સ ચલાવી રહી છે, જ્યાં લાખો બાળકો શિક્ષણ મેળવી રહ્યા છે.
રૂબલ નાગી ‘રૂબલ નાગી આર્ટ ફાઉન્ડેશન’ નામની સંસ્થા ચલાવે છે, જે દેશના ગરીબ અને વંચિત બાળકોને શિક્ષણની મુખ્યધારા સાથે જોડવાનું કાર્ય કરી રહી છે.
ગ્લોબલ ટીચર પ્રાઇઝ શું છે?
આ એક આંતરરાષ્ટ્રીય સન્માન છે, જે દર વર્ષે Varkey Foundation દ્વારા UNESCO અને GEMS Education ના સહયોગથી તે શિક્ષકને આપવામાં આવે છે, જેમણે શિક્ષણ ક્ષેત્રે અસાધારણ યોગદાન આપ્યું હોય.
રૂબલ નાગી માટે આ કેમ ખાસ છે?
રૂબલ નાગીને $1 મિલિયન (લગભગ ₹9 કરોડ)ની ઇનામ રકમ સાથે વિજેતા જાહેર કરવામાં આવ્યા છે. તેઓ એક ભારતીય શિક્ષિકા, સામાજિક કાર્યકર્તા અને કલાકાર છે. તેમની RoubleNagi ArtFoundation દ્વારા તેઓ ભારતના વંચિત બાળકો સુધી શિક્ષણ પહોંચાડવાનું અને શીખવાના માહોલને વધુ સારો બનાવવાનું કાર્ય કરી રહ્યા છે.
તેમનું કામ ખાસ કરીને ઝૂંપડપટ્ટીઓ અને ગ્રામિણ વિસ્તારોમાં બાળકોને શિક્ષણની તક પૂરી પાડવા, તેમજ દીવાલો પર ચિત્રો અને કલાના માધ્યમથી શીખવાનું સરળ અને રસપ્રદ બનાવવા જેવા નવીન વિચાર આધારિત છે.
139 દેશોમાંથી આવેલા હજારો નામાંકનો વચ્ચે રૂબલ નાગીએ આ પ્રતિષ્ઠિત પુરસ્કાર જીત્યો છે, જેના કારણે તેમણે માત્ર પોતાનું નહીં પરંતુ સમગ્ર ભારતનું નામ પણ વિશ્વભરમાં ઉજાગર કર્યું છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
