Bindia
ભારતીય મહિલા ક્રિકેટ ટીમે ત્રીજી T20માં શ્રીલંકાની મહિલા ટીમને 8 વિકેટથી હરાવી શ્રેષ્ઠ પ્રદર્શન કર્યું છે. ટોસ જીતી ભારતીય કેપ્ટન હર્મનપ્રીત કૌરે બોલીંગ લેવાનો નિર્ણય લીધો, અને ભારતીય બોલરોએ કમાલ કરી દીધું. રેણુકા સિંહે 4 અને દીપ્તિ શર્માએ 3 વિકેટ લીધી, જેમાં દીપ્તિ શર્માએ એક વિશેષ ઇતિહાસ રચ્યો.
દીપ્તિ શર્માનો ઇતિહાસ
દીપ્તિ શર્માએ T20 ઈન્ટરનેશનલમાં 150 વિકેટનો રેકોર્ડ બનાવ્યો અને આ સિદ્ધિ હાંસલ કરનારી પહેલી ભારતીય મહિલા બોલર બની. શ્રીલંકાની પ્રથમ વિકેટ દીપ્તિ શર્માએ લીધી, જે વિરોધી ટીમની કેપ્ટન અટ્ટાપટ્ટાને આઉટ કરીને પહોંચી. ત્યારબાદ દીપ્તીએ કવિશા દિલહરીની વિકેટ લઈને આ રેકોર્ડ પૂરું કર્યું.
હાલમાં મેન્સ ક્રિકેટમાં ભારત માટે સૌથી વધુ T20 વિકેટ અર્શદીપ સિંહ (110 વિકેટ) નો રેકોર્ડ ધરાવે છે, જે દીપ્તિ શર્માના આ આંકડાની સામે ઓછો છે. ત્રીજી T20માં દીપ્તિ શર્માએ માલશા શેહાનીને બોલ્ડ કરીને ત્રીજી વિકેટ મેળવી, 4 ઓવરના સ્પેલમાં માત્ર 18 રન આપ્યા અને 4.50 ની ઇકોનોમી રેટ નોંધાવી.
ભારતીય ટીમની શાનદાર જીત
શ્રીલંકાએ પ્રથમ બેટિંગમાં 112 રન જ બનાવ્યા. જવાબમાં ભારતની સ્ટાર ઓપનર શેફાલી વર્માએ 79 રનની વિસ્ફોટક ઈનિંગ્સ રમી, જેમાં 3 સિક્સ અને 11 ચોગ્ગા હતા. સ્મૃતિ મંધાના 6 બોલમાં 1 રન કરીને આઉટ થઈ. ત્યારબાદ જેમિમાહ રોડ્રિગ્ઝે 15 બોલમાં 9 રન, અને હર્મનપ્રીત કૌરે 18 બોલમાં 21 રન બનાવી ભારતીય ટીમને સરળ વિજયમાં મદદ કરી.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
