દક્ષિણ બંગાળની ખાડીમાં ચક્રવાતી તોફાન બનવાનો ખતરો: ‘સેન્યાર’ કયા માર્ગે જશે?

દક્ષિણ એશિયાના દરિયાઈ વિસ્તારો માટે આગામી 24–48 કલાક અત્યંત નિર્ણાયક બનવા જઈ રહ્યા છે. મલેશિયા અને મલક્કા સ્ટ્રેટ નજીક રચાયેલું નીચા દબાણનું ક્ષેત્ર ઝડપથી મજબૂત બની રહ્યું છે અને આગામી 24 કલાકમાં દક્ષિણ બંગાળની ખાડીમાં ચક્રવાતી તોફાનનું રૂપ લઈ શકે છે.

ભારતીય હવામાન વિભાગ (IMD) મુજબ સિસ્ટમ હાલ પશ્ચિમ-ઉત્તરપશ્ચિમ દિશામાં આગળ વધી રહી છે અને 24 કલાકમાં દક્ષિણ આંદામાન સમુદ્ર પર ડિપ્રેશનમાં ફેરવાઈ શકે છે. આગામી 48 કલાકમાં આ સિસ્ટમ પૂર્ણ ચક્રવાતી તોફાન તરીકે વિકસી શકે છે.

પવનની ગતિ અને દરિયાની સ્થિતિ
IMD દ્વારા જાહેર કરાયેલા સેટેલાઇટ વિશ્લેષણ અનુસાર:
– દક્ષિણ આંદામાન સમુદ્ર, મલક્કા સ્ટ્રેટ અને આસપાસના વિસ્તારોમાં નીચા દબાણની સ્પષ્ટ અસર નોંધાઈ રહી છે
– પવનની ગતિ 15–20 નોટ (સુમારે 28–38 કિમી/કલાક)
– ઝાપટામાં પવનની ઝડપ 30 નોટ (સુમારે 55 કિમી/કલાક) સુધી પહોંચી શકે છે
– દરિયાની સ્થિતિ મધ્યમ (Moderate) છે, પરંતુ તોફાન મજબૂત બનતા ખતરાઓ વધી શકે છે

વરસાદની મોટી આગાહી
હવામાન વિભાગે દક્ષિણ ભારતીય રાજ્યો માટે ભારે વરસાદની ચેતવણીઓ જાહેર કરી છે:
– 26–30 નવેમ્બર 2025: તમિલનાડુમાં ભારે વરસાદ
– 26 નવેમ્બર 2025: કેરળ અને માહેમાં વરસાદ
– 26–28 નવેમ્બર 2025: અતિ ભારે વરસાદની ચેતવણી
– આદામાન–નિકોબાર ટાપુઓમાં આગામી 6 દિવસ 40–50 કિમી/કલાક સુધીના પવન

ચક્રવાત ‘સેન્યાર’ ક્યાં જશે?
હવામાનશાસ્ત્રીઓ હાલ માર્ગની બે સંભવિત દિશાઓનું મૂલ્યાંકન કરી રહ્યા છે. 26 નવેમ્બર પછી ચક્રવાત તમિલનાડુ–આંધ્રપ્રદેશ કિનારા તરફ આગળ વધવાની સંભાવના અથવા ઉત્તર તરફ વળી ઓડિશા–બાંગ્લાદેશ તરફ ગમતી દિશા લેવાની શક્યતા. ચક્રવાતનું ચોક્કસ ટ્રેકિંગ આગામી 24–36 કલાકમાં સ્પષ્ટ થશે.

માછીમારો માટે ચેતવણી
IMDએ માછીમારોને આંદામાન સમુદ્ર અને દક્ષિણપશ્ચિમ બંગાળની ખાડીમાં ન જવાની કડક સલાહ આપી છે. દરિયામાં હાલની અને આવનારી સ્થિતિ જોખમી બની શકે છે.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in