Bindia
એપલે આઇફોન યુઝર્સ માટે ગુગલ સાથે કામ કરવાનું નક્કી કર્યું છે. પલે પુષ્ટિ કરી છે કે ગુગલ જેમિનીને આઇફોનમાં વપરાતા વોઇસ આસિસ્ટન્ટ સિરીમાં ઇન્ટીગ્રેટ કરવામાં આવશે. એપલનો આ નિર્ણય લાખો આઇફોન યુઝર્સ માટે ફાયદાકારક સાબિત થઈ શકે છે. સિરીમાં ગુગલ જેમિની AIને ઇન્ટીગ્રેટ કરવાથી, વોઇસ આસિસ્ટન્ટ આઇફોન, આઈપેડ અને મેક યુઝર્સ માટે વધુ પર્સનલાઇઝડ બનશે. એપલ આ વર્ષે યોજાનાર WWDC 2026 માં આ જાહેરાત કરી શકે છે.
ગૂગલ કીવર્ડ્સ બ્લોગ અનુસાર , એપલે સ્વીકાર્યું છે કે ગૂગલની AI ટેકનોલોજી એપલ ફાઉન્ડેશન મોડેલ માટે સૌથી અસરકારક પાયો પૂરો પાડે છે. એપલ અને ગૂગલે આ સંયુક્ત નિવેદન ગૂગલ કીવર્ડ્સ બ્લોગ પર પબ્લીશ કર્યું. અગાઉ, બ્લૂમબર્ગના માર્ક ગુરમેને નવેમ્બર 2025 માં અહેવાલ આપ્યો હતો કે એપલે સિરી અપડેટ્સ માટે ગૂગલને પસંદ કર્યું છે, જેના કારણે એપલને વાર્ષિક $1 બિલિયનનો ખર્ચ થશે.
એન્ડ્રોઇડ ઓથોરિટીના એક નવા અહેવાલ મુજબ, આ પહેલી વાર છે જ્યારે બંને કંપનીઓએ સત્તાવાર રીતે આ સોદાની પુષ્ટિ કરી છે. જોકે, કોઈપણ કંપનીએ 1 બિલિયન ડોલરના સોદાનો ઉલ્લેખ કર્યો નથી. એપલે શરૂઆતમાં 2024 ના પહેલા ભાગમાં સિરીમાં AI સુવિધાઓ ઉમેરવાની યોજનાની જાહેરાત કરી હતી. આ પ્રોજેક્ટ પાછળથી ગયા વર્ષના માર્ચ સુધી મુલતવી રાખવામાં આવ્યો હતો.
સિરીને એક મોટું અપગ્રેડ મળશે
બ્લૂમબર્ગના એક રિપોર્ટ અનુસાર, એપલના અધિકારીઓને લાગ્યું કે તેમના ખાનગી પરીક્ષણમાં આ સુવિધા યોગ્ય રીતે કામ કરી રહી નથી. કંપની iOS 26.4 અપડેટ સાથે ગૂગલ જેમિનીને સિરીમાં ઇન્ટીગ્રેટ કરવાની તૈયારી કરી રહી છે, જે આગામી મહિનાઓમાં રોલઆઉટ થઈ શકે છે. ગૂગલ જેમિનીના ઉમેરા સાથે, લાઇવ ટ્રાન્સલેશન જેવી સુવિધાઓ આઇફોન પર સિરીમાં પણ ઉપલબ્ધ થશે. આ સુવિધા iMessage જેવી એપલ એપ્લિકેશન્સમાં કામ કરશે. જો કે, હાલમાં બધા એપલ ઉત્પાદનો OpenAI ના ChatGPT સાથે સંકલિત છે. કંપનીએ પુષ્ટિ કરી નથી કે ભવિષ્યમાં ચેટજીપીટીને ગૂગલ જેમિની દ્વારા બદલવામાં આવશે કે નહીં.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
