Bindia
મધ્ય પૂર્વમાં ચાલી રહેલા વધતા સૈન્ય તણાવ વચ્ચે અમેરિકાએ ઈરાનના અંડરગ્રાઉન્ડ મિસાઈલ ઠેકાણાઓ પર હુમલો કર્યો છે. આ કાર્યવાહી “ઓપરેશન એપિક ફ્યુરી” અંતર્ગત કરવામાં આવી હતી.
અમેરિકન B-2 બોમ્બર હુમલો
અહેવાલો અનુસાર, 4 B-2 બોમ્બર વિમાનો દ્વારા ઈરાનના મિસાઈલ ઠેકાણાઓ પર 2000 પાઉન્ડ વજનના બંકર-બસ્ટર બોમ્બ ફેંકવામાં આવ્યા. અમેરિકાના સેન્ટ્રલ કમાન્ડના નિવેદનમાં જણાવાયું છે કે, આ દરમિયાન ત્રણ અમેરિકન સૈનિકોનાં મોત થયા અને પાંચ ગંભીર રીતે ઘાયલ થયા. અન્ય સૈનિકોને સામાન્ય ઈજાઓ પહોંચી અને તેઓ સારવાર બાદ ફરી ડ્યુટી પર જોડાઈ રહ્યા છે.
ઈરાનનો જવાબ
ઈરાન તરફથી “ઓપરેશન ટૂ પ્રોમિસ 4” હેઠળ અમેરિકાના યુદ્ધ જહાજ USS Abraham Lincoln પર મિસાઈલથી હુમલાનો દાવો કરવામાં આવ્યો છે. ઇરાનના દાવા મુજબ, તેમના સૈનિકોએ આ યુદ્ધજહાજને ચાર બેલિસ્ટિક મિસાઈલથી નિશાન બનાવ્યું. અત્યાર સુધી અમેરિકા તરફથી આ દાવા પર કોઈ સત્તાવાર પ્રતિક્રિયા આવી નથી.
ઈઝરાયેલમાં મિસાઇલ હુમલો
ઈઝરાયેલના યરુશલમથી લગભગ 35 કિમી દૂર બેતશેમેશમાં એક રહેણાંક ઇમારત પર મિસાઇલ સીધો ટક્કરાયો. આ હુમલામાં ઓછામાં ઓછા 8 લોકોના મોત થયા છે, અને અનેક ઘાયલોમાં ચાર વર્ષનો બાળક પણ સામેલ છે. યરુશલમ નજીકની અન્ય વિસ્તારોમાં પણ ઈરાનના મિસાઇલ હુમલાઓને કારણે નિર્માણ અને બોમ્બ શેલ્ટર પર ભારે નુકસાન થયું છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
