Bindia
યુક્રેન અને રશિયાના સંઘર્ષમાં હવે 9M729 ક્રુઝ મિસાઇલ (નાટો કોડ: SSC-8 ‘સ્ક્રુડ્રાઇવર’)ની એન્ટ્રી થઈ છે. યુક્રેનના વિદેશ મંત્રી એન્ડ્રી ત્સિબિહાના જણાવ્યા મુજબ, ઓગસ્ટ 2025થી રશિયાએ આ મિસાઇલ 23 વખત ઉપયોગ કરી ચુકી છે. 5 ઑક્ટોબર, 2025ના રોજ, 600 કિમી દૂર લાપીવકા ગામને નિશાન બનાવી આ મિસાઇલ લૉન્ચ કરવામાં આવી હતી, જેમાં 4 લોકોના મોત થયા.
મિસાઇલ વિવાદનું કારણ
આ મિસાઇલ એટલી વિવાદાસ્પદ કેમ છે? મુખ્ય કારણ INF સંધિ છે.
– અમેરિકા દાવો: મિસાઇલની રેન્જ 2,500 કિમી, જે INF સંધિનું ઉલ્લંઘન કરે છે.
– રશિયા દાવો: મિસાઇલ માત્ર 480-500 કિમીની રેન્જ ધરાવે છે.
INF સંધિ વિવાદને કારણે જ 2019માં અમેરિકા સંધિમાંથી બહાર નીકળી ગયું હતું. યુક્રેન પર 600 કિમી દૂરના લક્ષ્યને નિશાન બનાવવું અમેરિકાના આરોપોને સમર્થન આપે છે.
યુરોપ અને નાટો માટે ચેતવણી
યુક્રેનનું દાવો છે કે રશિયાએ મિસાઇલનો ઉપયોગ દબાણ વધારવા અને યુરોપને ચેતવણી આપવા માટે કર્યો છે. યુદ્ધ નિષ્ણાતો માને છે કે આ મિસાઇલ યુદ્ધને લંબાવવાની રશિયાની તૈયારી અને નાટો તથા યુરોપિયન દેશોને ડરાવવાની વ્યૂહરચનાનો ભાગ છે.
9M729 મિસાઇલની વિશેષતાઓ
– પ્રકાર: ગ્રાઉન્ડ-લોન્ચ્ડ ક્રુઝ મિસાઇલ (GLCM)
– લંબાઈ/વ્યાસ: 6-8 મીટર લંબાઈ, 0.514 મીટર વ્યાસ
– વૉરહેડ: 500 કિગ્રા પરંપરાગત અથવા પરમાણુ હથિયાર
– મુશ્કેલ લક્ષ્ય: 50 મીટરની ઊંચાઈ સુધી ઉડી શકે છે, રડારથી અટકાવવું મુશ્કેલ
– માર્ગદર્શન: INS, GPS/GLONASS, DSMCM સિસ્ટમ
– લોન્ચર: 9K720 ઈસ્કંદર ટેલ (TEL), એકસાથે ચાર મિસાઇલ લૉન્ચ કરી શકે છે
આ મિસાઇલના ઉપયોગથી પ્રાદેશિક સુરક્ષા પર ચિંતા વધી છે. યુએસ પ્રમુખ ટ્રમ્પે પરમાણુ પરીક્ષણો ફરી શરૂ કરવાનો આદેશ આપ્યો અને રશિયા સહિતના દેશોને તાકાત દર્શાવી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/buletin_india
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
