Bindia
ગરમીની શરૂઆત સાથે સ્કિન ટેનિંગની સમસ્યા વધી જાય છે, જેમાં કોણીની કાળાશ પણ એક સામાન્ય ચિંતા બની જાય છે. કોણીની ત્વચા જાડી હોવાને કારણે અને તેમાં તેલ ગ્રંથિઓ ઓછી હોવાથી અહીં ડેડ સ્કિન ઝડપથી જમા થાય છે, જે કાળાશનું મુખ્ય કારણ બને છે.
ઘણા લોકો મોંઘા ક્રીમ અને પાર્લર ટ્રીટમેન્ટ પર ખર્ચ કરે છે, છતાં યોગ્ય પરિણામ મળતા નથી. પરંતુ કેટલીક સરળ ઘરેલુ વસ્તુઓથી પણ કોણીની કાળાશ દૂર કરી શકાય છે.
લીંબુ અને બેકિંગ સોડાનો ઉપાય
લીંબુ કુદરતી બ્લીચિંગ એજન્ટ તરીકે કામ કરે છે, જ્યારે બેકિંગ સોડા ત્વચાને એક્સફોલિએટ કરવામાં મદદ કરે છે. અડધું લીંબુ લઈને તેના પર થોડું બેકિંગ સોડા છાંટી કોણી પર હળવા હાથે 5થી 7 મિનિટ સુધી ઘસવું. ત્યારબાદ તેને 10 મિનિટ રહેવા દઈને હૂંફાળા પાણીથી ધોઈ લો. આ ઉપાય નિયમિત કરવાથી કાળાશ ધીમે ધીમે ઓછી થઈ શકે છે.
નારિયેળ તેલ અને ખાંડનો સ્ક્રબ
આ ઉપાય ડ્રાય અને કાળી કોણી માટે ખૂબ અસરકારક માનવામાં આવે છે. એક ચમચી નારિયેળ તેલમાં એક ચમચી ખાંડ મિક્સ કરીને કોણી પર 3થી 4 મિનિટ સુધી હળવો સ્ક્રબ કરવો. ત્યારબાદ ધોઈને સાફ કરી લેવું. ખાંડ ડેડ સ્કિન દૂર કરે છે, જ્યારે નારિયેળ તેલ ત્વચાને નરમ અને ચમકદાર બનાવે છે.
વધુ સારા પરિણામ માટે નિયમિત મોઇશ્ચરાઇઝિંગ કરવું, બહાર જતા સમયે સનસ્ક્રીન લગાવવું અને લાંબા સમય સુધી કોણી પર ટેકો ન આપવો જરૂરી છે. આ સરળ ટિપ્સ અપનાવવાથી કોણીની કાળાશ ઘટાડવામાં મદદ મળી શકે છે.
Disclaimer: લેખમાં દર્શાવેલ સલાહ અને સૂચનો માત્ર સામાન્ય માહિતીના હેતુ માટે છે અને તેને વ્યાવસાયિક તબીબી સલાહ તરીકે ન લેવા જોઈએ. જો તમારી પાસે કોઈ પ્રશ્નો અથવા ચિંતાઓ હોય, તો હંમેશા તમારા ડૉક્ટરની સલાહ લો.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
