Bindia
દુનિયાભરના ક્રિકેટ ચાહકો IPLની આતુરતાથી રાહ જોઈ રહ્યા છે. IPL 2025 માટે મેગા ઓક્શન ગયા વર્ષે નવેમ્બરમાં યોજાયું હતું, જેમાં તમામ 10 ફ્રેન્ચાઇઝીઓએ તેમની ટીમોને અંતિમ સ્વરૂપ આપ્યું હતું. હવે દર્શકો ફક્ત IPLની આગામી સીઝનની શરૂઆતની રાહ જોઈ રહ્યા છે.સૂત્રો પાસેથી મળતી માહિતી અનુસાર,IPAનું આયોજન કરનાર ભારતીય ક્રિકેટ કંટ્રોલ બોર્ડ (BCCI) એ હજુ સુધી IPL 2025 ના સમયપત્રકની સત્તાવાર જાહેરાત કરી નથી.
જોકે, એક અહેવાલ મુજબ બીસીસીઆઈએ ફ્રેન્ચાઇઝીઓ સાથે મુખ્ય મેચોની તારીખો શેર કરી છે. ઇન્ડિયન પ્રીમિયર લીગ (IPL 2025) ની 18મી આવૃત્તિ 22 માર્ચે કોલકાતાના ઇડન ગાર્ડન્સ ખાતે શરૂ થશે. IPL 2025 ની શરૂઆતની મેચ ડિફેન્ડિંગ ચેમ્પિ યન કોલકાતા નાઈટ રાઈડર્સ (KKR) અને રોયલ ચેલેન્જર્સ બેંગ્લોર (RCB) વચ્ચે રમાશે.
IPL 2024 ની રનર્સ-અપ સનરાઇઝર્સ હૈદરાબાદ (SRH) પણ તેમના અભિયાનની શરૂઆત હોમ ગ્રાઉન્ડ (રાજીવ ગાંધી ઇન્ટરનેશનલ સ્ટેડિયમ) થી કરશે. તેઓ 23 માર્ચ, રવિવારના રોજ હૈદરાબાદના રાજીવ ગાંધી ઇન્ટરનેશનલ સ્ટેડિયમ ખાતે રાજસ્થાન રોયલ્સ (RR) સામે ટકરાશે.
બપોરે શરૂ થનારી આ મેચ આ સિઝનમાં SRH માટે પહેલી ઘરઆંગણેની મેચ હશે. ગયા સીઝનની જેમ, IPL 2025 માં પણ, ગુવાહાટી રાજસ્થાન રોયલ્સ માટે બીજું ઘરેલું સ્ટેડિયમ હશે. રોયલ્સ ત્યાં બે મેચ રમશે, 26 માર્ચે કોલકાતા નાઈટ રાઈડર્સ અને 30 માર્ચે ચેન્નાઈ સુપર કિંગ્સ સામે.
