Bindia
B INDIA સુરત : સુરતનાં મંદિર-જૈન દેરાસરમાંથી ચોરીનો ભેદ ઉકેલાયો છે. રાજસ્થાન ખાતેથી સુરતમાં કડીયાકામ અને છૂટક મજૂરી કરવા આવેલા બે સગા ભાઈઓ મંદિરોને ટાર્ગેટ કરી હતી. આરોપીઓ ચોરી કરતા હોવાની માહિતીના આધારે પોલીસે આંતરરાષ્ટ્રીય મંદિર ચોરી કરતી ગેંગના બે સાગરીતોને ઝડપી પાડ્યા હતા.અને તેમની પાસેથી લાખો રૂપિયાનો મુદ્દામાલ સાથે સુરતમાં થયેલી બે મંદિર ચોરીનો ભેદ ઉકેલવામાં સુરત ક્રાઈમ બ્રાન્ચને સફળતા મળી છે.
સુરતનાં એક જૈન દેરાસરમાં ચોરીની ઘટના બની હતી. વેસુ ગામ, મંદિર ફળિયામાં આવેલ આશાપુરી માતાના મંદિરના ગર્ભ-ગૃહમાંથી ભગવાનની અમૂલ્ય મૂર્તિઓ, પંચધાતુનો મુગટ, છત્ર, ચાંદીની પાદુકા તેમજ મંદિરની દાન પેટીમાંથી રોકડ ચોરી કરનાર ચોર ઈસમ ચોરી કરી ફરાર થઈ ગયા હતા.હાલમાં તેઓ રોજીરોટી માટે રાજસ્થાનથી આવી સુરતમાં આ પ્રકારની ઘટનાઓને અંજામ આપી રહ્યા છે.
આ ગેંગના બે સભ્યો હાલ બે આરોપી ભટ્ટી કાર્ટિંગથી સરદાર માર્કેટ જતા રોડ પાસેથી પકડી પાડી ઘરફોડમાં ગયેલ તમામ મુદ્દામાલ કબ્જે કરવામાં આવેલ છે. પકડાયેલા બંને આરોપી મૂળ રાજસ્થાનના વતની છે અને બંને સગા ભાઈ છે. તેઓ સુરત શહેર ખાતે નવી બંધાતી સાઈટ ઉપર તેમના વતનના સાગરીતો રોહિત અને લક્ષ્મણ નામના ઈસમો સાથે મજૂરી કામ કરે છે અને સાઈટ ઉપર જ રહે છે.
