Bindia
‘બોલિવૂડ અભિનેત્રી કીર્તિ કુલ્હારી તેના મજબૂત અભિનય અને સ્પષ્ટવક્તા શૈલી માટે જાણીતી છે. તાજેતરમાં, ફિલ્મ ‘હિસાબ બરાબર’ ના પ્રમોશન દરમિયાન, કીર્તિએ એક એવો ખુલાસો કર્યો જેણે બધાને ચોંકાવી દીધા. તેણીએ જણાવ્યું કે કેવી રીતે ફક્ત તેના વાળ કાપવાથી, લોકોએ તેની જાતીયતા પર સવાલ ઉઠાવ્યા અને તેને લેસ્બિયન માની લીધી.એક ઇન્ટરવ્યુમાં, કીર્તિએ તેના દેખાવ અને જાતિયતા અંગેના નિર્ણયો વિશે ખુલ્લેઆમ વાત કરી. તેણીએ કહ્યું કે “ફિલ્મ ‘હિસાબ બરાબર’નું શૂટિંગ પૂરું થતાં જ હું ઘરે ગઈ અને મારા વાળ કાપી નાખ્યા. આ પછી સોશિયલ મીડિયા પર વિવિધ પ્રકારની ટિપ્પણીઓ આવવા લાગી. લોકો માનતા હતા કે મેં મારા વાળ ટૂંકા કર્યા હોવાથી હું લેસ્બિયન છું.”ઘણા લોકોએ તો એવું પણ કહ્યું કે હું ટૂંક સમયમાં જ જાહેરાત કરીશ કે હું ગે છું. જો મારા વાળ લાંબા હોય તો હું લેસ્બિયન નથી. તેમણે આ વિચાર પર સવાલ ઉઠાવતા કહ્યું, “શું કોઈની જાતીયતા ફક્ત તેના વાળ કાપવાથી નક્કી કરી શકાય?
-> મહિલાઓએ કીર્તીને પ્રેરણા ગણાવી :- કીર્તિએ કહ્યું કે મારા ટૂંકા વાળ જોયા પછી, ઘણી સ્ત્રીઓએ મને મેસેજ કર્યો કે મેં તેમને પ્રેરણા આપી છે. સંદેશમાં, તે મહિલાઓએ કહ્યું કે તેઓ પણ ઘણા સમયથી પોતાનો દેખાવ બદલવા માંગતી હતી, પરંતુ સમાજના ડરને કારણે તે કરી શકી ન હતી.
-> તે હિમેશ રેશમિયાની ફિલ્મમાં જોવા મળશે :- મિશન મંગલ’, ‘ઉરી: ધ સર્જિકલ સ્ટ્રાઈક’ અને ‘ઈન્દુ સરકાર’ જેવી ફિલ્મોમાં પોતાની ઓળખ બનાવનાર કીર્તિ ટૂંક સમયમાં હિમેશ રેશમિયાની ફિલ્મ ‘બદમાશ રવિ કુમાર’માં જોવા મળશે. આ ફિલ્મ 7 ફેબ્રુઆરી, 2025 ના રોજ રિલીઝ થશે અને બોક્સ ઓફિસ પર જુનૈદ ખાન અને ખુશી કપૂરની ફિલ્મ ‘લવયાપા’ સાથે ટકરાશે.
