Bindia
સુરતમાં વધુ એક વાલીઓની આંખો ખોલતો કિસ્સો સામે આવ્યો છે. તાજેતરમાં સુરત ખાતે મોબાઇલ ઉપયોગની બેદરકારી સામે આવી હતી. જેમાં ઈન્સ્ટાગ્રામના માધ્યમથી સંપર્કમાં આવેલ સગીર અને સગીરાએ શારીરિક સંબંધો બાંધતા સગીરા ગર્ભવતી બની હતી.
મળતી માહિતી મુજબ, સુરતના પાંડેસરામાં એક કિસ્સો સામે આવ્યો છે. જેમાં ઇન્સ્ટાગ્રામ પર તરૂણ અને તરૂણીને પ્રેમ થયો હતો. આ ઘટનામાં 16 વર્ષની સગીરા અને 17 વર્ષનો કિશોર પ્રેમમાં પડ્યા હતા. પ્રેમ એટલી હદે થયો કે સગીરા અને કિશોરે શારીરિક સંબંધ બાંધ્યા હતા. જે બાદ શારીરિક સંબંધના કારણે તરૂણી ગર્ભવતી બની હતી.
આ ઘટનાની જાણ થતા અને પરિવારજનોને શંકા જતા સગીરાનું ચેકઅપ કરવામાં આવ્યું હતું. ત્યારે ડોક્ટર રિપોર્ટમાં સમગ્ર ખુલાસો થયો હતો. જેમાં સગીરા ગર્ભવતી હોવાનું બહાર આવ્યું છે. ત્યારે આ ઘટનાને લઇ સગીરાના પરિવારજનો દ્વારા પાંડેસરા પોલીસમાં ફરિયાદ કરવામાં આવી હતી. ત્યાર બાદ પોલીસે બળાત્કાર અને પોક્સોનો ગુનો નોંધી કિશોરની અટકાયત કરી હતી.
