Bindia
લોસ એન્જલસ વિસ્તારમાં લાગેલી વિનાશક આગમાં 24 લોકો માર્યા ગયા છે, અને 1,50,000 થી વધુ લોકોને તેમના ઘર છોડવાની ફરજ પડી છે. સાન્ટા એનાના ભારે પવનથી ફેલાયેલી આગ ભયાનક બની ગઈ છે, જેના કારણે 12,000 થી વધુ ઇમારતોનો નાશ થયો છે. આ આગ સાન ફ્રાન્સિસ્કો કરતા પણ મોટા વિસ્તારને બાળીને રાખ કરી ગઈ છે. ૭ જાન્યુઆરીના રોજ શરૂ થયેલી આગમાં પેલિસેડ્સ, ઇટન, કેનેથ અને હર્સ્ટ વિસ્તારોમાં લગભગ ૧૬૦ ચોરસ કિલોમીટર વિસ્તાર પર વિનાશ વેરાયો છે. કેલ ફાયર મુજબ, પેલિસેડ્સ આગ માત્ર 11 ટકા કાબુમાં આવી છે અને ઇટન આગ 27 ટકા કાબુમાં આવી છે. PowerOutage.us ના અહેવાલ મુજબ, 70,000 થી વધુ લોકો વીજળી વગરના છે, જેમાંથી મોટાભાગના લોકો લોસ એન્જલસ કાઉન્ટીમાં છે.
-> સંભવિત કારણો અને નુકસાન :- આગ લાગવાનું કારણ હજુ સુધી જાણી શકાયું નથી, પરંતુ પ્રારંભિક અંદાજ મુજબ આ અમેરિકાના ઇતિહાસની સૌથી મોટી આગ છે. AccuWeather ડેટા અનુસાર, આગને કારણે $135 થી $150 બિલિયનનું આર્થિક નુકસાન થવાનો અંદાજ છે. નેશનલ ફાયર પ્રોટેક્શન એસોસિએશને વીજળી પડવાની શક્યતાને નકારી કાઢી છે અને હવે આગ ઇરાદાપૂર્વક અથવા યુટિલિટી લાઇન દ્વારા લાગી હોવાની શક્યતાની તપાસ કરવામાં આવી રહી છે.
-> સેલેબ્રિટીઝના ઘરો અને ઐતિહાસિક સ્થળોને નુકસાન :- આગને કારણે બિલી ક્રિસ્ટલ અને મેન્ડી મૂર સહિત અનેક સેલિબ્રિટીઓના ઘરોનો નાશ થયો છે. આ ઉપરાંત, મસ્જિદો, સિનાગોગ અને ચર્ચ સહિત અનેક પૂજા સ્થળોએ પણ આગમાં રાખ થઇ ગયા છે.
-> ચેતવણીઓ અને આગળના પડકારો :- રાષ્ટ્રીય હવામાન સેવાએ તીવ્ર સાન્ટા એના પવનને કારણે ચેતવણી જારી કરી છે જે બુધવાર સુધી ગંભીર આગની સ્થિતિને જીવંત રાખી શકે છે. પવનનતીવ્રતા અને મહિનાઓથી વરસાદ ન પડવાને કારણે આગે ભયાનક સ્વરૂપ ધારણ કર્યું છે.
-> અસર અને વહીવટી પ્રતિભાવ :- ૩૩૫ શાળાઓ બંધ કરવામાં આવી છે, અને મેયર કરેન બાસ નેતૃત્વની નિષ્ફળતાઓ માટે ટીકાનો સામનો કરી રહ્યા છે. કેલિફોર્નિયાના ગવર્નર ગેવિન ન્યુસમે રાજ્યના અધિકારીઓને જળાશયો અને હાઇડ્રેન્ટ્સમાં પાણી કેમ ખતમ થઈ ગયું તેની તપાસ કરવાનો નિર્દેશ આપ્યો છે. LA ફાયર ચીફ ક્રિસ્ટિન ક્રોલીએ પણ અગ્નિશામક માટે પૂરતા ભંડોળની ફાળવણી ન કરવાની ટીકા કરી છે.
