Bindia
હવામાન વિભાગના 150 વર્ષ પૂર્ણ થવાના પ્રસંગે ભારતમાં આયોજિત સેમિનારમાં બાંગ્લાદેશી અધિકારીઓ હાજરી આપશે નહીં. યુનુસ સરકારના બાંગ્લાદેશના અધિકારીઓએ સરકારી ખર્ચે બિન-આવશ્યક વિદેશ યાત્રા પર પ્રતિબંધ હોવાનો ઉલ્લેખ કરીને ભારત સરકારના આમંત્રણને નકારી કાઢ્યું.સમાચાર એજન્સી પીટીઆઈ અનુસાર, આઇએમડીના 150 વર્ષ પૂર્ણ થવાના પ્રસંગે દિલ્હીમાં એક સેમિનારનું આયોજન કરવામાં આવી રહ્યું છે. ૧૪ જાન્યુઆરીએ દિલ્હીના મંડપમ ખાતે યોજાનાર આ સેમિનાર માટે પાકિસ્તાન અને બાંગ્લાદેશ સહિત અવિભાજિત ભારતનો ભાગ રહેલા પડોશી દેશોને પણ આમંત્રણ આપવામાં આવ્યું છે. પાકિસ્તાને પણ પોતાની ભાગીદારીની પુષ્ટિ કરી છે. જોકે, બાંગ્લાદેશે તેમાં જોડાવાનો ઇનકાર કર્યો છે
-> આમંત્રણ 1 મહિના પહેલા મળ્યું – બાંગ્લાદેશ :- બાંગ્લાદેશ હવામાન વિભાગ (BMD) ના કાર્યકારી નિર્દેશક મોમિનુલ ઇસ્લામે એક મહિના પહેલા IMD તરફથી આમંત્રણ મળવાની પુષ્ટિ કરી હતી. તેમણે કહ્યું કે, ભારતીય હવામાન વિભાગે અમને તેની 150મી વર્ષગાંઠની ઉજવણીમાં આમંત્રણ આપ્યું છે. અમે સારા સંબંધો જાળવીએ છીએ અને તેમની સાથે સહયોગ કરવાનું ચાલુ રાખીએ છીએ. ઇસ્લામે જણાવ્યું.”સરકાર દ્વારા ભંડોળ આધારિત બિન-આવશ્યક વિદેશ યાત્રા સિમિત કરાઇ હોવાથી અમે આ કાર્યક્રમમાં હાજરી આપી રહ્યા નથી,”
-> આ દેશોમાં મોકલવામાં આવેલા આમંત્રણો :- બ્રિટિશ શાસન દરમિયાન ૧૮૭૫માં સ્થાપિત, IMD ૧૫ જાન્યુઆરીએ ૧૫૦ વર્ષ પૂર્ણ કરશે. ૧૮૬૪માં કલકત્તામાં આવેલા ચક્રવાત અને ૧૮૬૬ અને ૧૮૭૧માં ચોમાસાની સતત નિષ્ફળતા બાદ તેની સ્થાપના કરવામાં આવી હતી. જે એક સમયે એક સરળ માળખા તરીકે શરૂ થયું હતું તે આજે હવામાન આગાહી, સંદેશાવ્યવહાર અને વૈજ્ઞાનિક નવીનતાનું કેન્દ્ર બની ગયું છે. હવામાન વિભાગના 150 વર્ષ પૂર્ણ થવા પર આયોજિત સેમિનારમાં પાકિસ્તાન અને બાંગ્લાદેશ સહિતના પડોશી દેશોને પણ આમંત્રણ આપવામાં આવ્યું છે, જે અવિભાજિત ભારતનો ભાગ હતા. આ સેમિનાર માટે પાકિસ્તાન, અફઘાનિસ્તાન, મ્યાનમાર, બાંગ્લાદેશ, ભૂટાન, માલદીવ, શ્રીલંકા અને નેપાળના અધિકારીઓને આમંત્રણ આપવામાં આવ્યું છે.
