Bindia
ભારતીય ટીમને નજર લાગી હોય તેવું લાગી રહ્યું છે. જસપ્રીત બુમરાહ પછી, વધુ એક ભારતીય ઝડપી બોલરની ઈજાએ ટીમને મોટો ઝટકો લાગ્યો છે. ઈજાને કારણે આકાશ દીપને લગભગ એક મહિના સુધી મેદાનથી દૂર રહેવું પડશે. ઓસ્ટ્રેલિયાના પ્રવાસ પર જસપ્રીત બુમરાહ ઈજાના કારણે પાંચમી ટેસ્ટમાં અંતિમ સમયે બોલિંગથી દૂર થઈ ગયો હતો.ઓસ્ટ્રેલિયા પ્રવાસમાં પોતાના શાનદાર પ્રદર્શનથી બધાનું દિલ જીતનાર આકાશ દીપને એક મહિના માટે મેદાનથી દૂર રહેવું પડશે. આકાશ દીપ કમરના દુખાવાના કારણે ઓસ્ટ્રેલિયા સામેની પાંચમી ટેસ્ટ મેચમાં રમી શક્યો ન હતો. આકાશ દીપની ઈજા બંગાળ માટે પણ એક આંચકો છે,મિડિયમ ફાસ્ટ બોલર આકાશ દીપની ઈજા અંગે નવા અહેવાલો આવ્યા છે.
ક્રિકબઝ અનુસાર, પીઠના દુખાવાના કારણે સિડની ટેસ્ટમાંથી બહાર રહેલો આકાશ દીપ લગભગ એક મહિના સુધી કોઈ મેચ રમી શકશે નહીં. તેને સારવાર માટે બેંગલુરુમાં NCA (નેશનલ ક્રિકેટ એકેડેમી) જવું પડશે. NCA ખાતે BCCI મેડિકલ ટીમ તેમની ઈજા પર નજીકથી નજર રાખશે અને જરૂરી સારવાર પૂરી પાડશે.ભારતીય ટીમમાં બેટિંગ લાઈનઅપમાં ઘણાં બઘા ઓપ્શન છે પરંતુ બોલિંગ ડિપાર્ટમેન્ટ ચિંતા ઉભી કરી શકે છે. આવી સ્થિતિમાં તાજેતરમાં યોજાયેલી ડોમેસ્ટ્રિક ક્રિકેટના રેકોર્ડના આધારે પણ કોઈ નવા ચહેરાને ટીમમાં સ્થાન મળી શકે છે.
નોંધનીય છે કે, આકાશ દીપે ઓસ્ટ્રેલિયા પ્રવાસ દરમિયાન નાની બેટિંગથી પણ લોકોના દિલ જીત્યા હતા.ભારતે 12 જાન્યુઆરીએ ચેમ્પિયન્સ ટ્રોફી માટે પોતાની ટીમની જાહેરાત કરવાની છે. ચેમ્પિયન્સ ટ્રોફી પહેલા ભારતીય ટીમ ઇંગ્લેન્ડ સામે ODI અને T20 સીરિઝ રમશે. ભારતીય ટીમનો સ્ટાર બોલર જસપ્રીત બુમરાહ હાલ ઘાયલ છે. મોહમ્મદ શમીની ફિટનેસ પણ પ્રશ્નાર્થમાં છે. આવી સ્થિતિમાં, પસંદગીકારો નવા ચહેરાઓ અજમાવી શકે છે.
