Patan LCB Major Liquor Seizure In Radhanpur 2026: Bootlegging પાટણ જિલ્લામાં બુટલેગરો સામે લાલ આંખ.. Arrest..

Radhanpurમાં ડમ્પરના ગુપ્તખાનામાંથી રૂ.18.94 લાખનો વિદેશી દારૂ ઝડપાયો

Reporter : અનિલ રામાનુજ, પાટણ

Radhanpur કલ્યાણપુરા પાટિયા નજીક LCB પાટણની મોટી કાર્યવાહી, દારૂ-ડમ્પર અને મોબાઇલ સહિત રૂ.44.04 લાખનો મુદ્દામાલ કબજે, બે શખ્સોની ધરપકડ

પાટણ જિલ્લામાં ગેરકાયદેસર દારૂની હેરાફેરી સામે પોલીસ દ્વારા કાર્યવાહીનો દોર યથાવત્ જોવા મળી રહ્યો છે. Radhanpur પોલીસ સ્ટેશન વિસ્તારમાં કલ્યાણપુરા પાટિયા નજીક હાઇવે રોડ પરથી એલસીબી પાટણની ટીમે બાતમીના આધારે એક ટાટા ડમ્પરને ઝડપી પાડ્યું હતું. પોલીસ દ્વારા ડમ્પરની તપાસ કરવામાં આવતા તેમાં ખાસ રીતે બનાવવામાં આવેલા ગુપ્તખાનામાં સંતાડેલો ભારતીય બનાવટનો વિદેશી દારૂનો મોટો જથ્થો મળી આવ્યો હતો. આ સમગ્ર કાર્યવાહી દરમિયાન પોલીસે ડમ્પર ચાલક અને ખલાસી સહિત બે શખ્સોની ધરપકડ કરી હતી. સ્થળ પરથી દારૂનો જથ્થો, ડમ્પર અને બે મોબાઇલ ફોન સહિત કુલ રૂ.44,04,188નો મુદ્દામાલ કબજે કરવામાં આવ્યો છે. દારૂના જથ્થાની અંદાજિત કિંમત રૂ.18,94,188 હોવાનું પોલીસ દ્વારા જણાવવામાં આવ્યું છે.

-> બાતમીના આધારે ડમ્પર અટકાવી તપાસ :- પોલીસ દ્વારા આપવામાં આવેલી વિગતો અનુસાર, બનાસકાંઠા રેન્જના પોલીસ મહાનિરીક્ષક પરીક્ષિતા રાઠોડ તથા પાટણના I/C પોલીસ અધિક્ષક પ્રશાંત સુંબે દ્વારા જિલ્લામાં પ્રોહિબિશન સંબંધિત ગેરકાયદેસર પ્રવૃત્તિઓ પર અંકુશ લાવવા માટે જરૂરી સૂચનાઓ આપવામાં આવી હતી. આ સૂચનાઓના અનુસંધાને એલસીબી પાટણના I/C પોલીસ ઇન્સ્પેક્ટર જે.જી. સોલંકીના માર્ગદર્શન હેઠળ એલસીબીની ટીમ Radhanpur વિસ્તારમાં પેટ્રોલિંગમાં હતી. દરમિયાન પોલીસને મળેલી ચોક્કસ બાતમીના આધારે કલ્યાણપુરા પાટિયા નજીક હાઇવે રોડ પર ટાટા કંપનીનું ડમ્પર નંબર GJ-09-AU-8269 શંકાના આધારે અટકાવવામાં આવ્યું હતું. પોલીસ ટીમે ડમ્પરની તપાસ શરૂ કરતાં તેમાં સામાન્ય રીતે નજરે ન પડે તે રીતે બનાવવામાં આવેલા એક ગુપ્તખાનાની માહિતી મળી હતી. ત્યારબાદ ગુપ્તખાનું ખોલીને તપાસ કરવામાં આવતા પોલીસ પણ ચોંકી ઉઠી હતી.

Radhanpur

-> ગુપ્તખાનામાંથી 12,156 બોટલ-ટીન મળી આવ્યા :- ડમ્પરમાં બનાવવામાં આવેલા ગુપ્તખાનામાં ભારતીય બનાવટના વિદેશી દારૂનો મોટો જથ્થો સંતાડવામાં આવ્યો હતો. પોલીસ દ્વારા દારૂના જથ્થાની ગણતરી કરવામાં આવતા કુલ 12,156 બોટલ/ટીન મળી આવ્યા હતા. આ દારૂના જથ્થાની બજાર કિંમત અંદાજે રૂ.18,94,188 હોવાનું પોલીસ દ્વારા જણાવવામાં આવ્યું છે. હાઇવે માર્ગે દારૂની હેરાફેરી કરવા માટે ડમ્પરમાં ખાસ ગુપ્તખાનું બનાવવામાં આવ્યું હોવાની વિગતો પણ તપાસ દરમિયાન સામે આવી છે.

-> દારૂ સાથે રૂ.25 લાખનો ડમ્પર પણ જપ્ત :- એલસીબીની કાર્યવાહીમાં માત્ર દારૂ જ નહીં પરંતુ દારૂની હેરાફેરી માટે ઉપયોગમાં લેવાયેલા ડમ્પરને પણ કબજે કરવામાં આવ્યું છે. પોલીસના જણાવ્યા મુજબ ડમ્પરની અંદાજિત કિંમત રૂ.25 લાખ છે. આ ઉપરાંત બે મોબાઇલ ફોન પણ પોલીસે કબજે કર્યા છે, જેની કિંમત આશરે રૂ.10 હજાર ગણવામાં આવી છે. આમ, દારૂ, ડમ્પર અને મોબાઇલ ફોન સહિત કુલ રૂ.44,04,188નો મુદ્દામાલ પોલીસે જપ્ત કર્યો છે.

-> ડમ્પર ચાલક અને ખલાસીની ધરપકડ :- આ કાર્યવાહી દરમિયાન પોલીસે ડમ્પર ચાલક અને ખલાસીને ઝડપી પાડ્યા હતા. પોલીસના જણાવ્યા અનુસાર ડમ્પર ચલાવતા શૈલેષભાઈ પ્રેમાભાઈ ચમનાભાઈ મોદી, રહે. દિયોદર, તિરૂપતિ સોસાયટી, દેલવાડા રોડ પાસે, મૂળ ડુચકવાડા, તા. દિયોદર તથા ડમ્પરમાં ખલાસી તરીકે રહેલા ઓમપુરી મગપુરી લાલપુરી ગૌસ્વામી, રહે. સુરાચંદ, માલાસર મઠ, તા. ચિતલવાણા, જિ. ઝાલોર, રાજસ્થાનની ધરપકડ કરવામાં આવી હતી. બંને શખ્સોને આગળની કાયદેસરની કાર્યવાહી માટે Radhanpur પોલીસ સ્ટેશનને સોંપવામાં આવ્યા હોવાનું જાણવા મળ્યું છે.

-> દારૂ ભરાવનાર અને મંગાવનારની શોધખોળ :- પોલીસ તપાસ દરમિયાન ડમ્પરમાં દારૂનો જથ્થો ભરાવનાર તરીકે પ્રવિણભાઈ ઉર્ફે રાજુભાઈ નારણજી મોદી, રહે. વાતમ નવા, તા. દિયોદરનું નામ સામે આવ્યું હોવાનું પોલીસ દ્વારા જણાવવામાં આવ્યું છે. બીજી તરફ, દારૂનો જથ્થો મંગાવનાર તરીકે કચ્છના ભીમાસરનો એક અજાણ્યો ઇસમ હોવાનું સામે આવ્યું છે. બંને શખ્સો હાલ પોલીસની પકડથી દૂર હોવાનું જાણવા મળ્યું છે અને તેમની ધરપકડ માટે તપાસ હાથ ધરવામાં આવી રહી છે. પોલીસ હવે દારૂનો જથ્થો ક્યાંથી લાવવામાં આવ્યો હતો, કોના કહેવાથી ડમ્પરમાં ભરવામાં આવ્યો હતો અને તેને કયા સ્થળે પહોંચાડવાનો હતો તે સહિતના મુદ્દાઓ અંગે તપાસ કરી રહી છે.

Radhanpur Police Seize Liquor Bottles Car Abandoned Driver Escapes PHOTOS

-> હાઇવે પર હેરાફેરી માટે બનાવ્યું હતું ગુપ્તખાનું :- આ સમગ્ર કેસમાં સૌથી નોંધપાત્ર બાબત એ છે કે ડમ્પરમાં ખાસ રીતે ગુપ્તખાનું બનાવી તેમાં દારૂનો મોટો જથ્થો સંતાડવામાં આવ્યો હતો. બહારથી સામાન્ય ડમ્પર જેવું દેખાતું વાહન અંદરથી દારૂની હેરાફેરી માટે ઉપયોગમાં લેવાતું હોવાનું પોલીસ તપાસમાં સામે આવ્યું છે. હવે પોલીસ એ પણ તપાસ કરી રહી છે કે આ દારૂની હેરાફેરી પાછળ માત્ર ઝડપાયેલા બે શખ્સો જ જવાબદાર છે કે પછી આ સમગ્ર મામલામાં અન્ય લોકો અથવા કોઈ મોટું નેટવર્ક પણ સંકળાયેલું છે.

-> Radhanpur પોલીસ મથકે ગુનો નોંધાયો :- આ સમગ્ર મામલે ઝડપાયેલા બંને શખ્સો ઉપરાંત દારૂનો જથ્થો ભરાવનાર અને મંગાવનાર સામે Radhanpur પોલીસ સ્ટેશન ખાતે પ્રોહિબિશન એક્ટ હેઠળ ગુનો નોંધવામાં આવ્યો છે. પોલીસે દારૂનો જથ્થો, ડમ્પર અને મોબાઇલ ફોન સહિતનો મુદ્દામાલ કબજે કરીને આગળની કાયદેસરની કાર્યવાહી હાથ ધરી છે. સાથે જ સમગ્ર હેરાફેરીની ચેઇન સુધી પહોંચવા માટે તપાસ આગળ ધપાવવામાં આવી રહી છે.

-> LCB ટીમની કામગીરી :- સમગ્ર કાર્યવાહી એલસીબી પાટણના I/C પોલીસ ઇન્સ્પેક્ટર જે.જી. સોલંકીના માર્ગદર્શન હેઠળ કરવામાં આવી હતી. આ કામગીરીમાં પોલીસ સબ-ઇન્સ્પેક્ટર એસ.બી. સોલંકી, પોલીસ સબ-ઇન્સ્પેક્ટર પી.વી. ચૌધરી, એએસઆઈ કુલદીપકુમાર લક્ષ્મીદાસ, હેડ કોન્સ્ટેબલ લખનકુમાર અમૃતભાઈ, હેડ કોન્સ્ટેબલ હસમુખસિંહ અમરાભાઈ તથા હેડ કોન્સ્ટેબલ સતિષકુમાર અમથાભાઈ સહિતના પોલીસ કર્મચારીઓ જોડાયા હતા. Radhanpurના કલ્યાણપુરા પાટિયા નજીક થયેલી આ કાર્યવાહીમાં મોટી માત્રામાં વિદેશી દારૂ ઝડપાતા હાઇવે માર્ગે થતી ગેરકાયદેસર દારૂની હેરાફેરી સામે પોલીસની સતર્કતા વધુ એક વખત સામે આવી છે. હાલમાં ઝડપાયેલા આરોપીઓ સામે કાયદેસરની કાર્યવાહી ચાલી રહી છે અને દારૂના જથ્થાના સ્ત્રોત તેમજ તેના અંતિમ ગંતવ્ય અંગે Radhanpur પોલીસ દ્વારા વધુ તપાસ હાથ ધરવામાં આવી રહી છે.

Related Posts

Morbi Sahil Majothi Ukraine Prisoner Release : 13 મહિનાથી યુક્રેનની જેલમાં કેદ મોરબીના યુવાન માટે આશાનું કિરણ..

Ukraineમાં 13 મહિનાથી કેદ મોરબીના સાહિલ માજોથીની મુક્તિની આશા જાગી! વકીલ દીપા જોસેફ યુક્રેન પહોંચ્યાં, બ્રિગેડિયર જનરલે કહ્યું – ભારત સરકાર સંપર્ક કરે તો મુક્તિ માટે તૈયાર Ukraineની જેલમાં બંધ મોરબીના યુવાન સાહિલ માજોથીને સ્વદેશ પરત લાવવા માટે પ્રયાસો તેજ બન્યા છે. સુપ્રીમ કોર્ટનાં વકીલ દીપા જોસેફે યુક્રેન પહોંચીને ભારતીય રાજદૂત અને યુદ્ધકેદીઓના મામલાઓ સંભાળતા બ્રિગેડિયર જનરલ સાથે મુલાકાત કરી છે. વકીલના જણાવ્યા અનુસાર, યુક્રેનના અધિકારીઓએ સાહિલની મુક્તિ અંગે સકારાત્મક વલણ દર્શાવ્યું છે અને ભારત સરકાર તરફથી સત્તાવાર સંપર્ક તથા સંકલનની રાહ જોઈ રહ્યા છે. અહેવાલ: રફીક અજમેરી મોરબીના એક યુવાનને Ukraineની કસ્ટડીમાંથી મુક્ત કરાવી સ્વદેશ પરત લાવવાના પ્રયાસોમાં હવે નવી આશા જાગી છે. મોરબીનો યુવાન સાહિલ માજોથી છેલ્લા આશરે 13 મહિનાથી Ukraineની જેલમાં બંધ હોવાનું…

સુરેન્દ્રનગર Police પરિવારમાં નવા વર્ષની અનોખી ઉજવણી: SP પ્રેમસુખ ડેલુના નિવાસસ્થાને યોજાયું સ્નેહમિલન, પોલીસ પરિવાર એકસાથે મળ્યો

B india સુરેન્દ્રનગર : નવા વર્ષના પાવન અવસર નિમિત્તે સુરેન્દ્રનગર Police પરિવારમાં સ્નેહ, સૌહાર્દ અને આત્મીયતાનો માહોલ જોવા મળ્યો હતો. સુરેન્દ્રનગરના Police અધિક્ષક (SP) શ્રી પ્રેમસુખ ડેલુના નિવાસસ્થાને પોલીસ પરિવારના સ્નેહમિલન કાર્યક્રમનું આયોજન કરવામાં આવ્યું હતું. આ કાર્યક્રમમાં Police પરિવારના સભ્યો એકત્રિત થયા હતા અને એકબીજાને નવા વર્ષની હાર્દિક શુભકામનાઓ પાઠવી હતી. ફરજની સતત વ્યસ્તતા વચ્ચે Police પરિવારના સભ્યોને એકબીજા સાથે સમય વિતાવવાની અને આનંદની પળો માણવાની સુંદર તક મળી હતી. SP પ્રેમસુખ ડેલુના નિવાસસ્થાને યોજાયું સ્નેહમિલન નવા વર્ષની શરૂઆત હંમેશાં નવી આશાઓ, નવા સંકલ્પો અને ખુશીઓ સાથે કરવામાં આવે છે. ત્યારે સુરેન્દ્રનગર પોલીસ પરિવાર દ્વારા પણ નવા વર્ષના અવસરને યાદગાર બનાવવા માટે સ્નેહમિલન કાર્યક્રમનું આયોજન કરવામાં આવ્યું હતું. આ કાર્યક્રમનું આયોજન સુરેન્દ્રનગરના પોલીસ અધિક્ષક શ્રી…

One thought on “Patan LCB Major Liquor Seizure In Radhanpur 2026: Bootlegging પાટણ જિલ્લામાં બુટલેગરો સામે લાલ આંખ.. Arrest..”

Comments are closed.