Bindia
કચ્છના દરિયાઈ માર્ગે ભારતીય જળસીમામાં ડ્રગ્સની હેરાફેરીના ત્રણ અલગ-અલગ કેસોમાં ભુજની સ્પેશિયલ NDPS કોર્ટે મહત્વપૂર્ણ ચુકાદો આપ્યો છે. કોર્ટે કુલ 19 આરોપીઓને 20 વર્ષની સખત કેદની સજા ફટકારી છે. દોષિતોમાં 18 પાકિસ્તાની નાગરિકો અને એક અફઘાનિસ્તાનનો નાગરિક સામેલ છે. ઉપરાંત, દરેક આરોપીને 2 લાખ રૂપિયાનો દંડ પણ ફટકારવામાં આવ્યો છે.
575 કરોડના ડ્રગ્સ જપ્ત થયા હતા
આ ત્રણેય કેસમાં સુરક્ષા એજન્સીઓએ કુલ અંદાજે 575 કરોડ રૂપિયાનું હેરોઈન જપ્ત કર્યું હતું. ગુજરાત ATS, ભારતીય કોસ્ટ ગાર્ડ અને સ્થાનિક SOGની સંયુક્ત કાર્યવાહીમાં આ સફળતા મળી હતી.
ત્રણ અલગ-અલગ ઓપરેશનમાં આરોપીઓ ઝડપાયા
– 6 જાન્યુઆરી, 2020: જખૌ નજીકના દરિયામાં સુરક્ષા એજન્સીઓએ કાર્યવાહી કરીને અંદાજે 157 કરોડ રૂપિયાનું હેરોઈન જપ્ત કર્યું હતું.
– 15 એપ્રિલ, 2021: જખૌ નજીક ફરી એક વખત દરિયાઈ કાર્યવાહી દરમિયાન 150 કરોડ રૂપિયાનું હેરોઈન જપ્ત કરવામાં આવ્યું હતું. આ કેસમાં 8 પાકિસ્તાની નાગરિકોની ધરપકડ કરવામાં આવી હતી.
– 8 ઓક્ટોબર, 2022: ગુજરાત ATS અને ભારતીય કોસ્ટ ગાર્ડે મધદરિયે એક બોટને આંતરીને અંદાજે 250 કરોડ રૂપિયાનું હેરોઈન જપ્ત કર્યું હતું અને તેમાં સંડોવાયેલા આરોપીઓને ઝડપી પાડ્યા હતા.
કોર્ટના ચુકાદાથી કડક સંદેશ
સ્પેશિયલ NDPS કોર્ટના આ ચુકાદાને આંતરરાષ્ટ્રીય ડ્રગ્સ તસ્કરી સામેની મહત્વપૂર્ણ કાર્યવાહી તરીકે જોવામાં આવી રહ્યો છે. કોર્ટના નિર્ણયથી સ્પષ્ટ સંદેશ ગયો છે કે ભારતીય જળસીમામાં માદક પદાર્થોની હેરાફેરી અથવા દેશની સુરક્ષાને પડકારનાર તત્વો સામે કડક કાયદાકીય કાર્યવાહી કરવામાં આવશે. સુરક્ષા એજન્સીઓના સંયુક્ત ઓપરેશન અને ત્યારબાદ કોર્ટના આ કડક ચુકાદાને આંતરરાષ્ટ્રીય ડ્રગ્સ નેટવર્ક સામેની અસરકારક કાર્યવાહી તરીકે જોવામાં આવી રહ્યું છે.
- Follow us on WHATSAPP :- https://whatsapp.com/channel/0029Va4r…
- WEBSITE : https://bindia.co/
- INSTAGRAM : https:// bindia.in
- FACEBOOK : https://www.facebook.com/buletinindialive
- X : https://x.com/bindia276
