Bindia
અમેરિકાના રાષ્ટ્રપતિ ડોનાલ્ડ ટ્રમ્પ અને ઇટાલીના વડાપ્રધાન જ્યોર્જિયા મેલોની વચ્ચે G7 સમિટને લઈને નવો વિવાદ ઊભો થયો છે. ટ્રમ્પે તાજેતરમાં દાવો કર્યો હતો કે G7 બેઠક દરમિયાન મેલોની તેમની સાથે ફોટો પડાવવા માટે ખૂબ ઉત્સુક હતા અને તેમણે ખાસ ફોટા માટે વિનંતી કરી હતી.
ટ્રમ્પના આ નિવેદન બાદ મેલોનીએ સોશિયલ મીડિયા પ્લેટફોર્મ X પર વીડિયો શેર કરીને આ દાવાને સખત શબ્દોમાં ફગાવી દીધો. તેમણે કહ્યું કે, “ટ્રમ્પે એક વાત સારી રીતે યાદ રાખવી જોઈએ કે ન તો હું અને ન તો ઇટાલી ક્યારેય કોઈની સામે ઝુક્યા નથી.” મેલોનીએ ટ્રમ્પના ફોટો સંબંધિત દાવાને સંપૂર્ણપણે ખોટો ગણાવ્યો.
રાજકીય વિશ્લેષકોના મતે, આ ઘટનાથી બંને નેતાઓ વચ્ચેના સંબંધોમાં તણાવ વધી શકે છે. એક સમય એવો હતો જ્યારે મેલોનીને યુરોપમાં ટ્રમ્પના સૌથી મજબૂત સમર્થકોમાંના એક તરીકે જોવામાં આવતા હતા. તેઓ 2025માં ટ્રમ્પના શપથવિધિ સમારોહમાં હાજરી આપનાર એકમાત્ર યુરોપિયન નેતા પણ હતા.
જોકે, ટ્રમ્પના આ નિવેદન બાદ બંને વૈશ્વિક નેતાઓ વચ્ચે મતભેદ ખુલ્લેઆમ સામે આવ્યા છે. આ વિવાદે અમેરિકા અને ઇટાલી વચ્ચેના રાજકીય સંબંધોને લઈને નવી ચર્ચા જગાવી છે.
G7 સમિટ બાદ શરૂ થયેલો આ શબ્દયુદ્ધ હવે આંતરરાષ્ટ્રીય રાજકારણમાં ચર્ચાનો વિષય બન્યો છે અને આગામી દિવસોમાં બંને દેશોના સંબંધો પર તેની શું અસર પડશે તેના પર સૌની નજર છે.
- Follow us on WHATSAPP :- https://whatsapp.com/channel/0029Va4r…
- WEBSITE : https://bindia.co/
- INSTAGRAM : https:// bindia.in
- FACEBOOK : https://www.facebook.com/buletinindialive
- X : https://x.com/bindia276
