Bindia
ગુજરાતના વિકાસ રથને વધુ વેગ આપવા માટે વડાપ્રધાન નરેન્દ્ર મોદી આગામી ૫ જૂન, ૨૦૨૬ના રોજ ગુજરાતની મુલાકાતે આવી રહ્યા છે. આ મુલાકાત દરમિયાન પીએમ મોદી સુરત ખાતેથી ભારત સરકાર અને ગુજરાત સરકારના સંયુક્ત ઉપક્રમે કુલ ₹૧૮,૭૭૭ કરોડથી વધુના વિકાસકાર્યોનું લોકાર્પણ અને ખાતમુહૂર્ત કરીને દક્ષિણ ગુજરાતને મોટી ભેટ આપશે.
આ મહા-વિકાસકાર્યોમાં સૌથી મહત્વનો હિસ્સો GIDC (ગુજરાત ઔદ્યોગિક વિકાસ નિગમ) હેઠળ તૈયાર થયેલા ₹૧૦૬૩.૪૩ કરોડના ૮ મેગા પ્રોજેક્ટ્સનો છે, જેનું વડાપ્રધાનના હસ્તે લોકાર્પણ કરવામાં આવશે. આ અંતર્ગત ભરૂચ જિલ્લા
ને ₹૮૯૪ કરોડથી વધુના અને વલસાડ જિલ્લાને ₹૧૬૯.૩ કરોડના પ્રોજેક્ટ્સ મળવા જઈ રહ્યા છે.
-
દહેજ PCPIR એફ્લુઅન્ટ પાઇપલાઇન (₹૪૭૪.૬૧ કરોડ): દહેજ અને સાયખા ઔદ્યોગિક વિસ્તારમાં પ્રદૂષિત પાણીના યોગ્ય નિકાલ માટે ૯૦ MLD ક્ષમતાની અત્યાધુનિક ઑફશોર અને ઑનશોર એફ્લુઅન્ટ પાઇપલાઇન શરૂ કરાશે, જે PLC SCADA સિસ્ટમથી સજ્જ છે.
-
જંબુસર બલ્ક ડ્રગ પાર્ક (₹૨૭૪.૯૬ કરોડ): ફાર્માસ્યુટિકલ ઉદ્યોગોના વિકાસને નવી પાંખો આપવા માટે અહીં રોડ, સ્ટોર્મ વોટર ડ્રેનેજ નેટવર્ક અને સેન્ટ્રલ ડ્રેન જેવી આંતરમાળખાકીય સુવિધાઓ તૈયાર કરવામાં આવી છે.
-
દહેજ-૨ ડ્રેનેજ પમ્પિંગ સ્ટેશન: સુવા પમ્પિંગ સ્ટેશનથી અંતિમ સ્ટેશન સુધી ૩૦ MLD ક્ષમતાનું ડ્રેનેજ પમ્પિંગ સ્ટેશન કાર્યરત કરાશે, જે ડ્રેનેજ વ્યવસ્થાપનને વધુ કાર્યક્ષમ બનાવશે.
-
પાનોલી અને અંકલેશ્વરનો વિકાસ: પાનોલી વિસ્તરણમાં ફ્લેક્સિબલ રોડ પેવમેન્ટ, પાણી પુરવઠા નેટવર્ક અને સ્ટ્રીટ લાઇટ જેવી સુવિધાઓ તેમજ અંકલેશ્વરમાં એફ્લુઅન્ટ ટ્રાન્સમિશન માટે ઇન્ટરમીડિયેટ બૂસ્ટર પમ્પિંગ સ્ટેશનનું લોકાર્પણ થશે.
-
દહેજ-૧ નેચરલ ડ્રેઇન-૨ અપગ્રેડેશન: ચોમાસામાં પાણી ભરાવાની સમસ્યા નિવારવા અને વરસાદી પાણીના નિકાલની વ્યવસ્થાને મજબૂત કરવા આ કામગીરી કરાઈ છે.
-
CETP પ્લાન્ટનું અપગ્રેડેશન: સરીગામ સ્થિત કોમન એફ્લુઅન્ટ ટ્રીટમેન્ટ પ્લાન્ટ (CETP)ની ક્ષમતા ૧૫ MLDથી વધારીને ૨૫ MLD કરવામાં આવી છે, જેથી પર્યાવરણના નિયમોનું કડક પાલન થઈ શકે.
-
આઉટફૉલ પાઇપલાઇન પ્રોજેક્ટ: સરીગામ વસાહતમાં સમ્પ અને પમ્પિંગ સ્ટેશન સાથે નવી HDPE ઑનશોર અને ઑફશોર આઉટફૉલ પાઇપલાઇન નેટવર્ક કાર્યરત થશે, જે ઊંડા સમુદ્રમાં સુરક્ષિત નિકાલ સુનિશ્ચિત કરશે.
-
- Follow us on WHATSAPP :- https://whatsapp.com/channel/0029Va4r…
- WEBSITE : https://bindia.co/
- INSTAGRAM : https:// bindia.in
- FACEBOOK : https://www.facebook.com/buletinindialive
- X : https://x.com/bindia276
