Bindia
અમેરિકાના લુઈસિયાનામાં આવેલા એક રહેણાંક વિસ્તારમાં થયેલા ભયાનક ગોળીબારની ઘટનાએ સમગ્ર દેશમાં શોકની લહેર ફેલાવી દીધી છે. આ ઘટનામાં 1 થી 14 વર્ષની ઉંમરના 8 બાળકોના મોત થયા છે, જ્યારે અન્ય લોકો પણ ઈજાગ્રસ્ત થયા છે. ઘટના ઉત્તર-પશ્ચિમ લુઈસિયાનાના એક શહેરી વિસ્તારમાં બની હતી, જ્યાં અચાનક અજાણ્યા હુમલાખોરે આડેધડ ફાયરિંગ શરૂ કર્યું. ફાયરિંગના અવાજથી વિસ્તારમાં અફરાતફરી મચી ગઈ અને લોકો જીવ બચાવવા દોડ્યા હતા.
સ્થાનિક પોલીસના જણાવ્યા મુજબ, ઘટના બાદ સુરક્ષા દળોએ ઝડપી કાર્યવાહી કરી અને શંકાસ્પદ હુમલાખોરને ઠાર કર્યો છે. આ ઓપરેશનમાં શ્રેવપોર્ટ પોલીસ વિભાગ સહિતની સુરક્ષા ટીમો જોડાઈ હતી.
રિપોર્ટ મુજબ, હુમલાખોરે ગોળીબાર બાદ સ્થળેથી ભાગવાનો પ્રયાસ કર્યો હતો અને વાહન ચોરી કરીને ફરાર થવાનો પ્રયાસ પણ કર્યો હતો. ત્યારબાદ પોલીસે પીછો કરીને તેને એક વિસ્તારમાં ઘેરી લીધો અને ઠાર કર્યો. પોલીસે સમગ્ર વિસ્તારને ઘેરીને સુરક્ષા કડક બનાવી દીધી છે અને તપાસ શરૂ કરી છે કે હુમલાનું ચોક્કસ કારણ શું હતું. હજુ સુધી આ હુમલા પાછળનું કારણ સ્પષ્ટ થયું નથી.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
