Bindia
દેશમાં આતંક ફેલાવવાના ઈરાદાથી રચાયેલા મોટા કાવતરાનો પર્દાફાશ કરતા ATSએ ચાર સભ્યોની ગેંગને ઝડપી પાડી છે. પાકિસ્તાની હેન્ડલરના સીધા માર્ગદર્શન હેઠળ આ ગેંગ કાર્યરત હોવાનું પ્રાથમિક તપાસમાં સામે આવ્યું છે.
તપાસ મુજબ, સાકિબ નામનો આરોપી વાળંદ તરીકે કામ કરતો હતો, પરંતુ તે ટેલિગ્રામ, સિગ્નલ અને ઇન્સ્ટાગ્રામ જેવા સોશિયલ મીડિયા પ્લેટફોર્મ મારફતે પાકિસ્તાની હેન્ડલર સાથે સતત સંપર્કમાં હતો. હેન્ડલરો દ્વારા ધાર્મિક ભાવનાઓ ઉશ્કેરી દેશ વિરોધી પ્રવૃત્તિઓ કરવા માટે પ્રેરિત કરવામાં આવતો હતો. ગેંગનો મુખ્ય હેતુ ભારતની એકતા અને અખંડિતતાને નુકસાન પહોંચાડવાનો અને દેશમાં ભયનું વાતાવરણ ઉભું કરવાનો હતો.
મહત્વપૂર્ણ સ્થળોની રેકી કરીને બનાવ્યો પ્લાન
સાકિબ અને તેના સાથીઓએ ગાઝિયાબાદ, અલીગઢ અને લખનૌ જેવા શહેરોમાં મહત્વપૂર્ણ સંસ્થાઓ, રાજકીય વ્યક્તિઓના રહેઠાણો અને રેલવે સંપત્તિની રેકી કરી હતી. રેકીના વીડિયો પાકિસ્તાની હેન્ડલરોને મોકલવામાં આવતા હતા અને તેમની પાસેથી ગુગલ લોકેશન દ્વારા ટાર્ગેટ નિર્ધારિત કરવામાં આવતા હતા. કાર્ય પૂર્ણ થયા બાદ આરોપીઓને QR કોડ મારફતે ચુકવણી કરવામાં આવતી હતી.
આરોપીઓ પાસેથી મળ્યું શંકાસ્પદ સામાન
ATSએ અરબાબ (મેરઠ), વિકાસ ઉર્ફે રૌનક અને લોકેશ ઉર્ફે પાપલા પંડિત સહિતના આરોપીઓની ધરપકડ કરી છે. તેમની પાસેથી જ્વલનશીલ પદાર્થોનો ડબ્બો, સાત સ્માર્ટફોન, 24 પેમ્ફલેટ અને એક આધાર કાર્ડ કબજે કરવામાં આવ્યું છે. તમામ આરોપીઓ સામે લખનૌ ATS પોલીસ સ્ટેશનમાં કેસ નોંધવામાં આવ્યો છે.
મોટા હુમલાની તૈયારીમાં ગેંગ
પ્રાથમિક પૂછપરછમાં ખુલાસો થયો છે કે ગેંગ પાકિસ્તાની ગુપ્તચર એજન્સી ISI સાથે સંકળાયેલા હેન્ડલરો સાથે સંપર્કમાં હતી. તેઓ ભારતમાં સામૂહિક હુમલા અને સરકારી મિલકતોને નુકસાન પહોંચાડવાની મોટી યોજના ઘડી રહ્યા હતા.
પોલીસે આરોપીઓ સામે IPCની વિવિધ કલમો અને ગેરકાયદેસર પ્રવૃત્તિઓ અધિનિયમ હેઠળ કેસ દાખલ કરીને વધુ તપાસ શરૂ કરી છે. આ સમગ્ર મામલે સુરક્ષા એજન્સીઓ સતર્ક બની ગઈ છે અને અન્ય સંભવિત સંકળાયેલા લોકોની શોધખોળ ચાલી રહી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
