Bindia
ગુજરાતમાં છેલ્લા કેટલાક દિવસોથી તાપમાનમાં વધારો નોંધાયો છે. હવામાન વિભાગે આગાહી કરી છે કે વેસ્ટર્ન ડિસ્ટર્બન્સના પ્રભાવથી 18થી 20 માર્ચ દરમિયાન રાજ્યના અનેક વિસ્તારોમાં હળવો થી મધ્યમ વરસાદ પડવાની શક્યતા છે. કેટલીક જગ્યાઓ પર પવનની ઝડપ 30થી 40 કિ.મી. પ્રતિ કલાક સુધી રહેવાની શક્યતા છે.
હવામાન વિભાગની વિગતો:
– 18 માર્ચ: ઉત્તર ગુજરાત અને સૌરાષ્ટ્રના કેટલાક જિલ્લાઓમાં હળવો વરસાદ જોવા મળશે, જેમાં બનાસકાંઠા, પાટણ, સાબરકાંઠા, જામનગર, મોરબી, દેવભૂમિ દ્વારકા અને કચ્છનો સમાવેશ થાય છે.
– 19 માર્ચ: ઉત્તર ગુજરાત (બનાસકાંઠા, પાટણ, સાબરકાંઠા, દાહોદ, પંચમહાલ, વડોદરા, છોટા ઉદેપુર, નર્મદા, ભરુચ, સુરત, ડાંગ, તાપી, નવસારી, વલસાડ) અને દમણ-દાદરા નગર હવેલીમાં મધ્યમ વરસાદની શક્યતા છે. સૌરાષ્ટ્રના રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દેવભૂમિ દ્વારકા, ગીર સોમનાથ, બોટાદ, કચ્છ અને દીવમાં પણ વરસાદની આગાહી છે.
– 20 માર્ચ: ઉત્તર ગુજરાત (બનાસકાંઠા, સાબરકાંઠા, પાટણ, અરવલ્લી, મહેસાણા) સહિત કેટલાક વિસ્તારોમાં હળવો વરસાદ પડવાની શક્યતા છે.
તાપમાન અને પવન:
હવામાન વિભાગના ડાયરેક્ટર એ.કે. દાસે જણાવ્યું કે, આ વરસાદ અને પવનના કારણે આગામી ચાર દિવસમાં મહત્તમ તાપમાનમાં 2થી 3 ડિગ્રીનો ઘટાડો થશે. હાલમાં રાજકોટમાં સૌથી વધુ તાપમાન 39.2°C અને અમદાવાદમાં 39°C નોંધાયું છે. હવામાન વિભાગે 40-50 કિ.મી. પ્રતિ કલાક ઝડપે પવન ફૂંકાવાની અને ગાજવીજ થવાની શક્યતા પણ જણાવી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
